ملخص مؤتمر سوني بلاي ستيشن 5 والكشف عن الأسعار وموعد الإصدار والمزيد ..!!
ملخص مؤتمر سوني بلاي ستيشن 5 والكشف عن الأسعار وموعد الإصدار والمزيد .. !
كالعادة سوني تقتحم بقوة وتكشف عن قوتها للجميع في مؤتمر أشبه بنهاية الجلسة في القضايا الجنائية
وده إللي أتعودناه من شركة عريقة زي سوني لإنها مش بس بتنافس على جهاز بسعر منافس ولكن بصناعة وتطوير ألعاب فائقة الجودة غير قابلة للمنافسة حتى الآن !
عاوزك تحضر مشروبك المفضل وتشترك بالقناة وتفعل جرس الإشعارات وتابع المقطع لحد الآخر ويلا بينا بسرعة نبدأ
تحية الإسلام السلام عليكم معكم سعد السقا من قناة الجيمر الحق أهلا ومرحبا بيكم يا عشاق الألعاب فى كل مكان ...
خلونا الأول نتكلم عن الألعاب إللى تم عرضها في المؤتمر لإنها الحقيقة مشوقة جدا
أول لعبة معانا وهي فاينال فانتازي إكس في أي أو سيكستين وهتكون حصرية للبلاي ستيشن 5 والحاسب الشخصي
وبعد ما شوفت العرض التشويقي للعبة وبالرغم إني مش من عشان السلسلة ولكن العرض خلاني متحمس للعبة بقوة بسبب الجيمبلاي المبهر
لإني حسيت الجميبلاي مش تقليدي ومليان تفاصيل كتيرة وأسلوب لعب مميز جدا ودة بجانب إن في تنوع سواء فى الجيمبلاي أو أسلوب القتال أو حتى الوحوش إللى بتقابلها
كل دة خلاني متحمس جدا للجزء ده تحديدا واتوقع ليه نجاح باهر على البلاي ستيشن 5 والحاسب الشخصي
تاني لعبة معانا وهي سبيدر مان مايلز موراليس وطبعا اللعبة حصرية من حصريات سوني على بلايستيشن 5 وبعد مشوفت طريقة اللعبة أخيرا أتأكدت إن سوني لما بتاخد حصرية بتشتغل عليها بقوة
ودة بان فى طريقة اللعب إللى تم تطويرة سواء في قوة الرجل العنكبوت نفسة فشوفت الحقيقة حركات قتالية جديدة ومتنوعة وفى نفس الوقت سريعة جدا خلتني فى فعل حماسي وأنا بس قاعد بتفرج
الشركة ضافت حركات جديدة لسبيدر مان بجانب الحركات إللى متعودين عليها قبل كدة وكمان حتى حركات متنوعة للأعداء إللي بتقابلهم
وهتلاقي مواقف صعبة جدا بتقابلها سواء في إنقاذ الناس وإللى فعلا خلتني أحس أن المواقف صعبة جدا وحسيت فعلا إن قدام لعبة بطل خارق من الطراز الأول
وأكيد كلنا متحمسين جدا إننا نلعب الجزء دة بالتحديد خصوصا على جهاز بلايستيشن 5 إللى هنشوف تفاصيل كتيرة جدا فى المشهد الواحد بدون منعاني بفريم دروب أو مشاكل فى الجرافيكس
ومكتوب إن اللعبة هتنزل في أجازة 2020 لكن مش مكتوب الميعاد بالظبط وأعتقد ممكن تنزل مع الجهاز عشان المبيعات
ثالث لعبة معانا والحقيقة كانت مفاجأة بالنسبالي لأن الأجزاء إللى فاتت مكنتش على المستوى المطلوب وأعتقد المرة دي هيكون الوضع مختلف وهي هاري بوتر هوجورتس ليجاسي
لعبة مغامرات أر بي جي مليانة قوى سحرية زي لعبة ويشتر 3 وبرغم إن العرض الدعائي مكنش فيه جيمبلاي بشكل مباشر ولكن واضح إن اللعبة متعوب فيها ومليانة تفاصيل ممتازة خلتني متحمس للجز ده بالتحديد عن أي جزء سابق
واللعبة هتتوفر على بلايستيشن 4 وبلايستيشن 6 واكس بوكس وان واكس بوكس سيريس إكس وسيريس أس والحاسب الشخصي فى عام 2021
فى المؤتمر ظهر مطورين لعبة كول أوف ديوتي بلاك أوبس كولد ورر وأخيرا قدمولنا عرض للجيمبلاي الخاص بالقصة الرئيسية في اللعبة وإللى كان مشوق وسريع جدا ومليان تفاصيل رهيبة
وأكدوا بتوفر نسخة ألفا لطور اللعب الجماعي يوم 18 و 19 حصريا للاعبي البلاي ستيشن واللعبة هتتوفر بشكل رسمي يوم 13 نوفمبر 2020 على كل المنصات
رابع لعبة معانا وهي ريزدنت إيفل فيلدج أو يعتبر الجزء الثامن من السلسلة وشركة كابكوم هنا قدمت العرض التشويقي الثاني من اللعبة ولكن الحقيقة بالنسبالي كان ضعيف جدا ومبينش أي حاجة عن قوة اللعبة
وعندي إحساس كبير إن الجزء دة هيكون شبة الجزء السابع بشكل كبير أتمنى أكون غلط ويقدموا شىء جديد ورعب يليق بالسلسلة
اللعبة من منظور الشخص الأول والاحداث بتكون بعد سنوات من أحداث إيثان وزوجته ميا من الجزء إللى فات وهيظهر فى الجزء دة شخصية كريس المعروفة واللعبة هتنزل فى 2021 على بلاي ستيشن 5 وإكس بوكس سيريس إكس والحاسب الشخصي
خامس لعبة معانا وهي ديث ليب أو حلبة الموت وهي لعة أكشن أدفينشر من منظور الشخص الأول من تطوير أركان ستوديو ومن نشر شركة بيسيزدا الغنية عن التعريف
اللعبة فركتني بسلسلة بايوشوك العظيمة حسيت إن اللعبة مختلفة وفيها شىء مختلف عن بقية الألعاب إللى من النوع دة وفيها إبداع مختلف سواء فى الألوان أو الأسلحة وأسلوب اللعب السريع والمميز
بجانب تنوع الأسلحة سواء المعروف أو الغريب علينا واللعبة الحقيقة أنا متحمسلها جدا وأعتقد هتسبب إنبهار لكل اللاعبين وهتحقق نجاح ملحوظ واللعبة هتكون حصرية لجهاز بلاي ستيشن 5 فى البداية وبعد كدة هتنزل للحاسب الشخصي وهتتوفر فى الربع التاني من سنة 2021
سادس لعبة معانا وهي أود ورلد سولستورم وهي لعبة يمكن كتير ميعرفهاش ولكنها صدرت أول مرة عام 1997 وآخر جزء كان 2014 والجزء الجديد هيكون حصريا لجهاز بلايستيشن 4 وبلايستيشن 5 وبعد كدة هتنزل للحاسب الشخصي
اللعبة فيها طابع كوميدي شوية وهي لعبة أكشن مغامرات بلاتفورم شيقة جدا وهتتوفر في عام 2020
سابع لعبة معانا منتظرة بقوة وهي ديمين سولز ريميك والشركة قدمتلنا عرض تشويقي جديد وأسلوب اللعب المميز وطبعا اللعب صولز من تطوير ستوديو فرومسوفتوير ومن نشر سوني يعني اللعبة حصرية لجهاز بلاي ستيشن 5 وهتتوفر في 12 نوفمبر 2020
ثامن لعبة معانا وهي ديفل ماي كراي في سبيشيال إيديشن والحقيقة مستغرب حبتين لإنها مش جزء جديد وتعبتر زي إضافة أو توسعة وهتقدر تلعب بشخيصة فيرجيل وأنا كنت اتمنى عرض تشويقي لجزء جديد
واللعبة هتتوفر في 12 نوفمبر 2020 على جميع المنصات
تاسع لعبة معانا وإللى مؤتمر سوني فاجىء الكل بيها في نهاية المؤتمر وهي لعبة جود أوف ور راجناروك واللى سمعنا فيه صوت كريتوس ولكن مظهروش أي شىء عن اللعبة نهائيا بأي شكل من الأشكال
واللعبة دي تحديدا هتسبب ضجة كبيرة جدا أول متنزل وهتكون زي رمانة الميزان فى مبيعات جهاز بلاي ستيشن 5 تحديدا وكل الحصريات إللي ذكرناها بتبين مدى قوة شركة سوني عن أي شركة تانية
#PS5 #Sony
Other Videos By الجيمر الحق
Other Statistics
Marvel's Spider-Man: Miles Morales Statistics For الجيمر الحق
Currently, الجيمر الحق has 2,643 views for Marvel's Spider-Man: Miles Morales across 3 videos. His channel published less than an hour of Marvel's Spider-Man: Miles Morales content, or 2.42% of the total watchable video on الجيمر الحق's YouTube channel.