Top News - Sekretet e Shqipërisë nga hakerat /Prokuroria kërkon ndihmë nga Britania, Kina e Rusia
2Prokuroria e Tiranës kërkoi zyrtarisht sekuestrimin e të dhënave dhe faqeve online të hakerave iranianë, ku prej ditësh tashmë vijon publikimi i të dhënave sensitive të qytetarëve shqiptarë dhe disa institucioneve shtetërore.
Teksa publikimi i të dhënave të përftuara nga sulmet kibernetike vijon të cënojë sigurinë kombëtare, Prokuroria e Tiranës ka dërguar një kërkesë zyrtare për ndihmë juridike nga Britania e Madhe, Rusia dhe Kina.
Janë dy episode për të cilat Prokuroria e Rrethit Gjyqësor Tiranë ka regjistruar procedimin penal. Akti i parë kriminal lidhet me sulmin kibernetik ndaj AKSHI-it, që përmbledh gjitha faqet zyrtare qeveritare në Republikën e Shqipërisë si dhe sulmi i datës 9 shtator ndaj sistemeve që administrohen nga Ministria e Brendshme.
Nga veprimet hetimore rezulton se faqen që publikojnë të dhënat pra, ‘JusticeHomeland1’ në rrjetin social ‘Telegram’ dhe faqja online ‘Homelandjustice, i kanë IP në Hong Kong, Britani të Madhe dhe në Rusi.
Bazuar në Konventën për krimin në fushën e kibernetikës dhe në parimin e reciprocitetit, Prokuroria e Tiranës u kërkon autoriteteve ligjzbaruese të këtyre tre shteteve, sekuestrimin e të dhënave dhe sistemeve kompjuterike si dhe ndalimin e publikimit të mëtejshëm të dokumentacionit të hakeruar nga sistemet kompjuterike të AKSHI-it si dhe sistemet kompjuterike të Ministrisë së Brendshme.
Gjykata e Shkallës së Parë Tiranë vendosi pranimin e kërkesës së prokurorisë dhe kërkesat për Ndihmë Juridike u dërguan drejt Britanisë së Madhe, Kinës dhe Rusisë.
Kjo nuk është hera e parë që Prokuroria e Tiranës kërkon sekuestimin e faqeve të hakerave. Në 19 korrik u urdhërua sekuestrimi i këtyre llogarive në dy rrjete sociale të ndryshme, por autorët e sulmit kibernetik hapën një faqe tjetër, e cila u përdor për të shpërndarë mesazhe të ndryshme në lidhje me sulmin e kryer apo publikimin e të dhënave që janë vjedhur.
Top News është televizion informativ, i hapur në shkurt të vitit 2007. I konceptuar si format news, prioritet i saj është informimi i publikut përmes lajmit të fundit. Lidhje live për politikën, aktualitetin, kronikën, ekonominë, rajonin, botën, sportin, teknologjinë dhe show biz-in. “ Informohu i pari” , slogani për 24 orë lajme . Sjellim ndryshe realitetin mediatik në Shqipëri, ofrojmë një burim informacioni të saktë, të shpejtë, të besueshëm dhe të thelluar.
Për më shumë vizitoni: http://top-channel.tv/
Subscribe to "Top Channel" on YouTube Channel for NEWS and TV
Shows HERE: http://bit.ly/2Y15KwK
For more content from click HERE: www.top-channel.tv
Like Top Channel on Facebook HERE: http://bit.ly/2FglWTs
Follow Top Channel on Instagram HERE: http://bit.ly/2uaYG2U
Follow Top Channel on Twitter HERE: http://bit.ly/2TJndeH
#TopNews#Prokuroria#Hakerat