जीटीए कार्यपाल अनित थापाद्वारा सोनादा पचेङ समष्टीमा जल जीवन मिशन योजनाको शिलान्यास...
1जीटीए कार्यपाल अनित थापाद्वारा सोनादा पचेङ समष्टीमा जल जीवन मिशन अन्तर्गत 56 करोड़भन्दा अधिक पेय जल योजनाको शिलान्यास गरेका छन्। उक्त योजना अन्तर्गत सोनादा फरेस्टक क्षेत्रका लागि 12.18 करोड़, रिङटाङ चियाबारीको लागि 6.11 करोड़, सोनादा खास महल, रंगमुक , सिडर्स चियाबारी र रिङटङ चियाबारीको लागि 38.29 करोड़ गरी जम्मा 56 करोड़ 58 लाखको पानीको कामको शिलान्यास जीटीए चिफ् अनित थापाले आज गरेका छन्। भारतीय गोर्खा प्रजातान्त्रिक मोर्चाको सोनादा पचेङ समष्टीको सभापति सोनाम लामाले अध्यक्षता गरेको कार्यक्रमलाई चन्दन लकान्द्री, थिलेन लामा, प्रभात रसाईली र सबिना गिरीले सञ्चालन गरेका थिए। क्षेत्रीय सभासद एंव जीटीएको सूचना अनि सांस्कृतिक विभागको कार्यकारी सभासद अनोश थापाले स्वागत सम्भाषण राखेको कार्यक्रममा पीएचई विभागको कार्यकारी अभियन्ता मणिरत्न मंग्रातीले वक्तव्य राखेका थिए। कार्यक्रममा सोनादा पचेङ समष्टीको विभिन्न विशिष्ट व्यक्तिहरूलाई सम्बर्ध्दना जनाइयो भने सोनादा पचेङ समष्टीको पक्षबाट जीटीए चिफ् अनित थापालाई सम्बर्ध्दना जनाइएको छ। सोनादा पचेङ समष्टीलाई लिएर सम्पन्न शिलान्यास कार्यक्रममा जीटीए चिफ् अनित थापाबाहेक जीटीएको भाइस चेयरम्यान राजेस चौहान, सभासदहरू सन्दीप छेत्री, नुरी शेर्पा अनि नारी शक्ति केन्द्रीय अध्यक्षा अनु प्रधान, जैतुन निशा खातुन, मैया ठकुरी, भागोप्रमो खरसाङ महकुमा सदस्य एनआर भोटिया लगायत अन्यहरू उपस्थित रहेका थिए।...