პეტრიწის ქუჩის მეორე შესახვევში ერთად რამდენიმე პრობლემა არსებობს
0ქუთაისში პეტრიწის ქუჩის მაცხოვრებლები დახმარებას ითხოვენ. ადგილობრივების თქმით პრობლემა წლებია არსებობს და აღნიშნულ საკითხთან დაკავშირებით ადგილობრივ თვითმმართველობას არაერთხელ მიმართეს, შეგახსენებთ, რომ აღნიშნული საკითხი ტელეკომპანია მეგატვმა ხუთი თვის წინ გააშუქა. თუმცა ფაქტია ამ დრომდე ჯერ არაფერი შეცვლილა.
აღნიშნულ პრობლემასთან დაკავშირებით ქუთაისის მერიაში განაცხადეს, რომ პეტრიწის ქუჩის მეორე შესახვევის რეაბილიტაცია 72000 ლარის ფარგლებში გაკეთდება, თუმცა სარეაბილიტაციო სამუშაოები 2018 წლის ბიუჯეტში გათვალისწინებული არ არის.
როგორც ირკვევა, პეტრიწის ქუჩის მეორე შესახვევის პრობლემა უახლოეს მომავაში არ მოგვარდება. ადგილობრივებს არაფერი დარჩენიათ გარდა იმისა, რომ მომდევნო წელს დაელოდონ და ძველებურად საკუთარი ძალებით წვიმიან ამინდებს გაუმკლავდნენ.