Të Pasurit | Fëmijët e Kremlinit | Mes ‘dashurisë dhe urrejtjes’ për perëndimin...| Top News
53Ajo e tyrja, është një botë e mbushur me avionë privatë, apartamente trendi në paris, pushime dimërore për ski në alpet e Austrisë dhe shkollim në universitetet elitë në Londër apo Nju Jork. Prindërit e tyre zotërojnë prona të patundshme në sheshet më ekskluzive të kryeqyteteve evropiane. Profilet e tyre në mediat sociale janë të mbushura me fustane stilistësh të njohur dhe evente me tapet të kuq. Madje një e re, postoi fotot e ditëlindjes së saj të 22, krah pishinës, në vilën në detin Adriatik të një prej oligarkëve të Vladimir Putinit. Këta, janë fëmijët e Kremlinit...! Ndërsa prindërit e tyre publikisht anatemojnë perëndimin, fëmijët rriten pikërisht në ato vende shoqëritë e të cilëve ata pretendojnë se i refuzojnë. “Është dukshëm një hipokrize ekstreme”, thotë Daniel Treisman, një profesor i specializuar për politikën ruse në universitetin e kalifornisë, në Los Angeles. “Madje ata mund të mos e shohin fare kontraditën”, vazhdon Treisman...’Ata besojnë se ka një konkurencë mes SHBA dhe Rusisë, por përse kjo duhet të prekë planet për shkollimin e fëmijëve?...apo se ku ata i blejnë vilat e tyre...?
Vetë Vladimir Putin, pak kohë më parë, u shfrenua kundër atyre rusëve që mendërisht janë në një linjë me perëndimin duke i akuzuar madje se mendojnë se janë pjesë e një race superiore dhe se punojnë me perëndimin për të arritur një qëllim të vetëm : Shkatërrimin e Rusisë.
Populli Rus duhet gjithnjë të jetë në gjendje të dallojë patriotët e vërtetë nga llumi dhe tradhëtarët dhe thjeshtë tu pështyjë atyre në fytyrë sikur një mushkonjë aksidentalisht tu kishte hyrë në gojë...
E një nga familjet e para të korrupsionit të aluduar rus dhe hipokrizisë ruse, është pikërisht ajo e Dimitry Peskov, zëvendës shefit të stafit të Vladimir Putinit dhe zëdhënësit të tij...një rol ky i fundit që e bën
Peskovin megafonin më të zëshëm të Putinit, personin që thuajse në baza të përditshme shpërndan sarkazmën e rëndë të presidentit rus kundër perëndimit.
Shtetet e Bashkuara të Amerikës, vendosën së fundmi sanksione mbi zëdhënësin e Kremlinit Dmitry Peskov, bashkëshorten e tij dhe dy fëmijët e rritur nga dy martesa të mëparshme, duke thënë se stilet luksoze të jetës së tyre nuk përputheshin me statusin dhe pagën që Peskov merr si punonjës i shërbimit civil dhe me gjasë janë ndëtuar nga pasuria e pistë e krijuar për shkak të lidhjeve me Putinin. Të paktën dy nga fëmijët e Dimitry Peskov, janë rritur kryesisht në evropën perëndimore para se të ktheheshin në Moskë, tashmë të rritur.
Ndërsa departamenti amerikan i Thesarit nuk është ndalur dhe as nuk ka përmendur ekseset e vëna në diskutim prej tij, Peskov, që e mban postin e tij prej afro një dekade dhe raportohet se ka siguruar 173 mijë dollarë të ardhura në 2020-ën, është parë të mbajë një orë marke që vlen më shumë se 600 mijë dollarë dhe ka bërë një muaj mjalti që përfshinte edhe një relaks në jaht në brigjet e Sardenjës që kushton 430 mijë dollarë për një javë... këto detaje, janë publikuar pas një hetimi të fondacionit anti corrupsion të themeluar nga lideri i burgosur i opozitës ruse, Alexei Navalny.
Bazuar në të dhënat mbi pronat, postimet në mediat sociale dhe databazën e shkeljeve të trafikut, fondacioni anti korrupsion ka zbuluar të dhëna edhe për bashkëshorten e Peskov, ish bashkëshorten dhe fëmijët që zotërojnë sipas tij, mjete luksoze dhe shtëpi shumë miliona dollarëshe të shpërndara nëpër botë e padiskutim edhe në rusi dhe në francë...
E gjithë kjo një shpalosje pasurie që është në kontrast të dukshëm me afro 20 milionë rusët që jetojnë në varfëri – thotë fondacioni i Navalnyt.
Dhe pasuria shokuese dhe njëkohësisht e pashpjegueshme e familjeve në botën e Putinit, sipas ekspertëve, fsheh pas saj një koncept të vetëm: Kleptokracinë.
“Një kleptokraci është në thelb një qeveri që udhëhiqet nga hajdutë”, thotë profesori i universitetit të Xhorxhtaunit, Jodi Vittori, një ekspert i korrupsionit dhe politikave globale, “ku politikat dhe vendimet merren për llogari të këtyre hajdutëve”.
Pamje:AFP
Ata janë vizionarë, jane guximtarë, kthejnë në ar çdo gjë që prekin.
Shpesh ëndërrimtarë e këmbëngulës...
Ndonjëherë të përkëdhelur nga fati, ndonjeherë të ngritur nga hiçi...
Janë ata që kanë ngritur perandori miliarda dollarëshe, ata që kryesojnë klasifikimet e më të pasurve të globit...
Janë ata qe nuk dinë tv ndalen e kërkojnë akoma më shumë…
Njihuni me më TE PASURIT e planetit!
Rubrika më e re në Top News
Çdo të Shtunë, Ora 17:15
Autore: Ardita Beçolli.
Për më shumë vizitoni: http://top-channel.tv/
Subscribe to "Top Channel" on YouTube Channel for NEWS and TV
Shows HERE: http://bit.ly/2Y15KwK
For more content from click HERE: www.top-channel.tv
Like Top Channel on Facebook HERE: http://bit.ly/2FglWTs
Follow Top Channel on Instagram HERE: http://bit.ly/2uaYG2U
Follow Top Channel on Twitter HERE: http://bit.ly/2TJndeH
#TePasurit#TopChannel