Top Channel/Rusët lëshojnë bomba vakumi: Tmerri që i plas njerëzve mushkëritë dhe shkrin trupat!
591Rusia po akuzohet se ka sulmuar ukrainasit me bomba thërrmuese dhe bomba vakumi, armë këto të dënuara me forcë nga një organizatash ndërkombëtare. Amnesty International dhe Human Rights Watch thanë që të dyja se dyshohet që forca ruse kanë përdorur municione thërrmuese të ndaluara gjerësisht. Akuzat e Amnesty përfshijnë dhe sulmin ndaj një institucioni parashkollor në veri-lindje të Ukrainës, në kohën kur brenda tij ishin strehuar civilë. Oksana Markarova, ambasadorja e Ukrainës në Shtetet e Bashkuara deklaroi për gazetarët pas një takimi me anëtarë të Kongresit amerikan se Rusia ka përdorur një armë termobarike, të njohur ndryshe si “bomba vakum” gjatë ofensivës në vendin e saj. Një bombë e tillë përdor oksigjenin nga ajri përreth për të gjeneruar një shpërthim me temperaturë të lartë, duke prodhuar në të njëjtëjn kohë një valë tronditëse vdekjeprurëse dhe duke thithur oksigjenin nga mushkëritë e kujtdo që është në afërsi. Bombat, e njohura dhe si mbushje termobarike, prodhojnë një valë goditëse dukshëm më të gjatë se ajo e një eksplozivi konvencional dhe janë të afta të avullojnë trupin e njeriut, thonë mediat e huaja. Megjithatë, nuk ka ende asnjë konfirmim zyrtar se armët termobarike janë përdorur vërtet në konfliktin në Ukrainë. Markarova tha se Ukraina po punonte në mënyrë aktive me SHBA-në për të marrë më shumë armë dhe sanksione më të ashpra. "Rusia duhet ta paguajë shtrenjtë këtë që po bën," tha ajo. Përfaqësuesi demokrat Brad Sherman, i cili ishte në takim, tha se ukrainasit kishin kërkuar një zonë ndalim-fluturimi të detyruar nga SHBA mbi Ukrainë, por ai mendonte se ishte shumë e rrezikshme sepse mund të provokonte një konflikt me Rusinë.
Pamje: AFP
Departamenti i Informacionit, më i madhi, më kryesori në Top Channel, i cili shënoi fillimin e televizionit me edicionin e lajmeve në 20 dhjetor 2001. Përmes informacioneve të shpejta, të sakta dhe të thelluara, reportazheve dhe rubrikave të tjera informative, Top Channel është kthyer në burimin kryesor dhe me prestigjioz të informimit të të gjithëve në Shqipëri, në hapësirën mbarëshqiptare dhe kudo tjetër në botë ku shqiptarët jetojnë. Top Channel është i pranishëm me kamerat dhe gazetarët e tij në të gjitha ngjarjet më të rëndësishme të vendit dhe në botë, me edicionet e tij informative.
Për më shumë vizitoni: http://top-channel.tv/
Subscribe to "Top Channel" on YouTube Channel for NEWS and TV
Shows HERE: http://bit.ly/2Y15KwK
For more content from click HERE: www.top-channel.tv
Like Top Channel on Facebook HERE: http://bit.ly/2FglWTs
Follow Top Channel on Instagram HERE: http://bit.ly/2uaYG2U
Follow Top Channel on Twitter HERE: http://bit.ly/2TJndeH
#Russia#Ukraine#TopChannelNews