Top News - Rusia jashtë Rusisë... / Çfarë është Kaliningradi, përse është kaq i rëndësishëm?
153Lufta mes Rusisë dhe Ukrainës ka rishkruar përcaktimin e luftës totale. Luftohet me ushtri në një territor të caktuar nga i cili nuk hyn e nuk del askush për shkak të frikës së një përshkallëzimi bërthamor dhe një zgjerimi të konfliktit në evropë, por është luftë totale në të cilën përfshihet e gjithë bota në kuptime të ndryshme: energjitik, ushqimor, ekonomik, social etj. Një luftë që merr gjithë e më shumë ngjyrimet e një përleshjeje mes rusisë dhe SHBA dhe që zhvillohet në shumë fronte. Përvec Donbasit, emri i të cilit është njohur tashmë kudo, më i rëndësishmi prej këtyre fronteve përfaqësohet nga Kaliningradi, që ka pushtuar faqet e para këto ditë për shkak të ashpërsimit të tensioneve mes federatës ruse dhe lituanisë. Kjo e fundit ka vendosur në fakt të bllokojë një pjesë të mirë të tregtisë ruse drejtuar qytetit në baltik. Por përse kjo enklavë ruse, e mbërthyer mes polonisë dhe lituanisë, është kaq e rëndësishme nga pikpamja strategjike. Ashtu si edhe në rastin e Donbasit, është mbi të gjitha gjeografia ajo që jep e para përgjigje. Kaliningradi ndodhet në zemër të kufirit më strategjik të Evropës, atij të detit Baltik, në mes të vendeve të bllokut të BE-së dhe NATO-s. Një territor vetëm 15 mijë kilometra katror, larg nga pjesa tjetër e shtetit rus, por një territor rus me efekt të plotë. Është një nyje shumë e rëndësishme tregtare dhe portuale pasi Kaliningradi përbën edhe një portë në avancë për rusinë, duke qenë se në optikën e Kremlinit, baltiku po shndërrohet me të gjitha efektet në një liqen atlantik, vecanërisht pas shpalljes së anëtarësimit të pritshëm të suedisë dhe finlandës në NATO.
Pamje:AFP
Top News është televizion informativ, i hapur në shkurt të vitit 2007. I konceptuar si format news, prioritet i saj është informimi i publikut përmes lajmit të fundit. Lidhje live për politikën, aktualitetin, kronikën, ekonominë, rajonin, botën, sportin, teknologjinë dhe show biz-in. “ Informohu i pari” , slogani për 24 orë lajme . Sjellim ndryshe realitetin mediatik në Shqipëri, ofrojmë një burim informacioni të saktë, të shpejtë, të besueshëm dhe të thelluar.
Për më shumë vizitoni: http://top-channel.tv/
Subscribe to "Top Channel" on YouTube Channel for NEWS and TV
Shows HERE: http://bit.ly/2Y15KwK
For more content from click HERE: www.top-channel.tv
Like Top Channel on Facebook HERE: http://bit.ly/2FglWTs
Follow Top Channel on Instagram HERE: http://bit.ly/2uaYG2U
Follow Top Channel on Twitter HERE: http://bit.ly/2TJndeH
#Rusia#Kaliningradi#TopChannel