ამერიკის ელჩი საქართველოში ჯიემპიპის პროგრამაში მონაწილე მედია ორგანიზაციების წარმომადგენლებს შეხვდა
📌 გამოგვყევით Youtube-ზე http://bit.ly/M3GAtv 👈
მედია პარტნიორობის პროგრამის მონაწილეებმა ჯი ემ პი პი პროგრამის მრავალწლიანი მუშაობა შეაჯამეს. მედია პატნიორობის პროგრამის ფარგლებში, ამერიკის საელჩოს მხარდაჭერითა და ,,აირექსის“ ორგანიზებით ათობით ტელევიზიის რადიოსა და ონლაინ მედიის წარმომადგენელთა გაცვლითი ვიზიტები გაიმართა. ქართველი ჟურნალისტები პარტნიორ მედია ორგანიზაციებში ცოდნასა და ახალ გამოცდილებას იძენდნენ. ამერიკის ელჩის კელი დეგნანის შეხვედრაში მონაწილეობა კი ქართული დამოუკიდებელი მედიისადმი მხარდაჭერის ერთგვარი გამოვლინებაა .
ორმხრივი ვიზიტების სარგებლობასა და მედიის მხარდაჭერაზე, შეხვედრის ყველა მონაწილე საუბრობდა. შემაჯამებელ ღონისძიებაზე, ბოლო დამამთავრებელი პროექტების პრეზენტაციები გაიმართა.
შეხვედრა მონაწილეთა დაჯილდოებით დასრულდა, მედია პარტნიორობის პროგრამის მონაწილეებს სერთიფიკატები პროგრამების მენეჯერმა ნინა ჯავახიშვილმა და ამერიკის ელჩმა საქართველოში კელი დეგნანმა გადასცეს.