"პირველ რიგში ჯანმრთელობისთვისაა კარგი"-სპორტული სასკოლო ოლიმპიადის იმერეთის ნაწილი დარულებულია
სპორტული სასკოლო ოლიმპიადის იმერეთის ფინალურმა ნაწილმა ქუთაისის სპორტის სასახლეში დიდი გულშემატკივრობისა და ემოციების ფონზე ჩაიარა.დასკვნით ეტაპზე ერთმანეთს სპორტის სამ სახეობაში ქუთაისისა და ხონის სკოლების ნაკრები გუნდები დაპირისპირდნენ. საბოლოოდ ფრენბურთსა და კალათბურთში გამარჯვება ქუთაისმა, ხოლო მინი-ფეხბურთში ხონმა მოიპოვა.
სასკოლო სპორტული ოლიმპიადა იმერეთის რეგიონულმა ტურმა სტარტი 19 მარტს აიღო. თამაშები სპორტის 8 სახეობაში მიმდინარეობდა. წელსვე ჩატარდა და გამოვლინდნენ გამარჯვებულები შემეცნებით სასკოლო ოლიმპიადაში . ერთი თვის განმავლობაში იმერეთის სკოლებიდან ოლიმპიადაში ათასზე მეტმა მოსწავლემ მიიღო მონაწილეობა. რეგიონული თამაშების ჩემპიონები მონაწილეობას დასავლეთ საქართველოს ზონალურ ტურში მიიღებენ, იქ გამარჯვებულები კი მსოფლიო სასკოლო ჩემპიონატის 2020-ის საგზურის მოსაპოვებლად იბრძოლებენ.