გრიპის ვირუსის ვაქცინაციასთან დაკავშირებით ორსულებთან საინფორმაციო შეხვედრა გაიმართა
მოგეხსენებათ, რომ ზამთარი ახლოვდება და ვირუსული დაავადებების გავრცელების რისკიც იზრდება . ნებისმიერი ასაკის მქონე ადამიანმა კი საკუთარ ჯანმრთელობაზე უნდა იფიქროს განსაკუთრებით კი ორსულმა. აღნიშნულ საფრთხესთან დაკავშირებით „კლინიკა ბომონდში“ მოსალოდნელ გრიპის ვირუსთან და ვირუსის ვაქცინაციასთან დაკავშირებით ორსულებთან საინფორმაციო ხასიათის შეხვედრა გაიმართა. შეხვედრას საზოგადოებრივი ჯანდაცვის ცენტრის წარმომადგენელი გოჩა გიორგიძე და კლინიკის სამეანო დეპარტამენტის ხელმძღვანელი გიორგი ქებულაძე უძღვებოდნენ. სპეციალისტები ორსულ ქალბატონებს ერთ-ერთ რისკ-ჯგუფად თვლიან და დროულ ვაქცინაციას ურჩევენ.
სოფო გაგოშაშვილი ერთერთი ორსული ქალბატონია იმ დამსწრე საზოგადოებიდან რომელიც აღნიშნულ საინფორმაციო შეხვედრას ესწრებოდა. მისი თქმით ვაქცინის შესახებ მიღებული ინფორმაცია სასარგებლოა და გაკეთებასაც აპირებს.
ვირუსის საწინააღმდეგო ვაქცინაციას ფეხმძიმე ქალბატონებისათვის სახელმწიფო სრულად აფინანსებს. ორსულების გარდა, უფასო ვაქცინაციის სახელმწიფო პროგრამაში, დიაბეტით დაავადებული 18 წლამდე ბავშვები, თავშესაფარში მყოფი მოხუცები და ბავშვები, ასევე, C ჰეპატიტით და შიდსით ინფიცირებული პირები ხვდებიან.