ძლიერი წვიმის შედეგად ქუთაისში ქუჩები დაიტბორა და სახლი ჩამოინგრა

Channel:

Mega TV - ტელეკომპანია მეგა

Subscribers:

28,300

Published on November 13, 2015 7:37:15 PM ● Video Link: https://www.youtube.com/watch?v=PLVg39utncA

Duration: 1:44

1,249 views

1

ქუთაისში ძლიერი წვიმის შედეგად მდინარე ოღასკურა ადიდდა. მდინარემ კალაპოტი გადმოლახა და ავტომშენებლის დასახლებაში, ე.წ. პირველ პრახადნოისთან გზის სავალი ნაწილი დაფარა. ადიდებულმა მდინარემ ასევე მიმდებარე ტერიტორიაზე არსებულ საცხოვრებელ სახლებში, სარდაფებში და ავტოფარეხებში შეაღწია. ე.წ პირველ პრახადნოისთან ფეხით გადაადგილება შეუძლებელია. ავტომშენბლის დასახლებაში შექმნილ ვითარებას ადგილზე ქუთაისის მერი შოთა მურღულია და საბინაო ინფრასტრუქტურის სამსახურის უფროსი ვლადიმერ ნაკაშიძე გაეცნენ. მოსახლეობა დახმარებას და ზარალის ანაზღაურებას ითხოვს. მოსახლეობის თქმით აუცილებელია მდინარე ოღასკურის კალაპოტის გაწმენდა, რადგან მსგავსი პრობლემები ხშირად იქმნება. როგორც ქალაქის მერმა აღნიშნა პირველ ეტაპზე მდინარე ოღასკურას კალაპოტის გაწმენდა მოხდება.გარდა ამისა, მწვანეყვავილას ქუჩაზე ჩამოწოლილმა მეწყერმა გზის სავალი ნაწილი დააზიანა და ორ საცხოვრებელ სახლს საფრთხე შეუქმნა. ერთ-ერთი კერძო სახლის საყრდენი კედელი მთლიანად ჩამოინგრა.
შემთხვევის ადგილზე სამაშველო სამსახურის ბრიგადები და ქუთაისის მერი შოთა მურღულია მივიდნენ. ქუთაისის მერის განცხადებით, ზარალის დათვლის შემდეგ გადაწყდება, თუ რა ფორმით დაეხმარება სახელმწიფო დაზარალებულ ოჯახებს.