ქუთაისის ად.თვითმმართველობაში მიმდინარე რეორგანიზაციის პროცესი ააიპებსაც შეეხო
ქუთაისის მერიაში რეორგანიზაციის პროცესი გრძელდება. როგორც მერიაში აცხადებენ, თვითმართველობა ამ ეტაპზე ააიპ დაწესებულებების საკითხზე მუშაობს. ქუთაისის მერმა გიორგი ჭიღვარიამ ბაღების გაერთიანების ახალი ხელმძღვანელი თანამშრომელბს თანამშრომლებს უკვე წარუდგინა. აღნიშნული პოსტი ა.წერეთლის სახელობის სახელმწიფო უნივერსიტეტის პროფესორმა, და ქუთაისის საკრებულოს ყოფილმა დეპუტატმა დავით წიტაიშვილმა ჩაიბარა. ქალაქის მერმა,, ააიპის" ყოფილ ხელმძღვანელს ნანა ლორთქიფანიძეს მადლობა გადაუხადა გაწეული სამსახურისთვის. ბაგა ბაღების გაერთიანების ახალი ხელმძღვანელის დავით წიტაიშვილის განცხადებით მისი მთავარი პრიორიტეტი ბავშვებისთვის შესაფერი და მაქსიმალურად კომფორტული გარემოს შექმნა იქნება. მისივე თქმით აუცილებელია ბაღებში პატარებისთვის ჯანსაღი გარემოს შექმნა მათი სამომავლო განვითარებისთვის.