გარემოს დაცვის სამინისტრომ "ჯორჯიან მანგანეზში" სპეციალური მმართველი შეეყვანა
გარემოს დაცვის სამინისტრომ "ჯორჯიან მანგანეზში" სპეციალური მმართველი შეეყვანა. როგორც სამინისტროს მიერ გავრცელებულ ინფორმაციაშია აღნიშნული, კომპანია, მიუხედავად სახელმწიფოს მხრიდან არაერთი დაჯარიმებისა და ადგილზე მძიმე ეკოლოგიური მდგომარეობის გამოსწორების მიზნით გონივრული ვადების განსაზღვრისა, კვლავ აგრძელებდა საქმიანობას გარემოსდაცვითი კანონმდებლობის მძიმე დარღვევით, რაც საბოლოოდ დადასტურდა მიმდინარე თვეს განხორციელებული დათვალიერების შედეგად. შესაბამისად, კანონმდებლობის მოთხოვნათა სრული დაცვით, სამინისტროს მხრიდან მოთხოვნილი შუამდგომლობა, სამართლიანად დაკმაყოფილებულ იქნა სასამართლოს მიერ . გარემოს დაცვის სამინისტრომ კომპანიას არ შეუჩერა საქმიანობის ნებართვა და ლიცენზია. სამინისტროს ცნობით, სპეციალურ მმართველად, წარდგენილ და დანიშნულია ნიკოლოზ ჩიქოვანი, რომელსაც, მათივე ინფორმაციით, ,,ფეროშენადნობთა ქარხანაში“ მუშაობის დიდი გამოცდილება გააჩნია.