ინკლუზიური განათლების თემაზე მრგვალ მაგიდასთან დისკუსია გაიმართა
განათლების განვითარების და დასაქმების ცენტრმა, ევროკავშირის პროექტის „თანაბარი შესაძლებლობები შეზღუდული შესაძლებლობის მქონე პირთათვის“ ფარგლებში მრგვალ მაგიდასთან ინკლუზიის თემაზე დისკუსია გამართა. ინკლუზიური განათლების საკითხი მნიშვნელოვანია ბაგა–ბაღებში, სკოლებში, პროფესიულ და უმაღლეს სასწავლებლებში. შეხვედრას ინკლუზიური განათლების სპეციალისტები, მულტიდისციპლინური გუნდის წევრები, სასწავლო პროცესის და მეთოდური მართვის სამსახურის წარმომადგენლები ესწრებოდნენ. აუდიტორიის წინაშე სიტყვით განათლების განვითარების და დასაქმების ცენტრის გამგეობის თავმჯდომარე ლიკა კილაძე წარსდგა.
ევროკავშირის მიერ დაფინანსებული პროექტი მიზნად შშმ პირთა უფლებების დაცვას და მათი სოციალური ინტეგრაციის უზრუნველყოფას ისახავს. შეხვედრაზე მნიშვნელოვან საკითხზე, გამახვილდა ყურადღება, რომელიც შშმ პირთათვის გარემოსთან ადაპტირების საკითხს გულისხმობს. ამიტომაც შემდეგი შეხვედრა ინფრასტრუქტურულ საკითხზე გამახვილდება.