ويندوز ١٠ لمحترفي الألعاب التنافسية لزيادة أداء الجهاز والتخلص من اللاج
شرح طريقة تثبيت Atlas OS المخصصة للألعاب الثقيلة والتنافسية وللعمل بدون تقطيع , ضاعف فريماتك عن طريق تحميل النسخة دي من ويندوز 10 واستمتع بتجربة لعب خالية من اللاج والدروبات. حجم النسخة خفيف جدا وتدعم تشغيل كل الألعاب !
لو عايز تلعب فورت نايت او فالورانت او ببجي موبايل او فري فاير او ابكس ليجندس او لول او ماين كرافت او تشتغل على الفوتوشوب او تعدل على الفيديوهات او تصنع الألعاب من غير تقطيع في وقت اسرع فدي حرفيا افضل نسخة ليك ومعمول ليها اوبتيميز او تخفيف جاهزة للعب او للمونتاج او غيره...
المقدمة:
انا محمد او بيشني وأوعدك بعد ما تشوف الفيديو يكون تثبيت الويندوز حاجة سهلة جدا بالنسبة لك
ومش بس كدة كمان هتنزل نسخة ويندوز مخففة مجهزة للألعاب والمونتاج والشغل التقيل
معنى كدة هتاخد اداء اعلى وتجربة استخدام ممتازة
تنويه:
الويندوز اللي هننزله متخفف يعني متشال منه حاجات كتير فلو في حاجة من اللي اتشالت انت محتاجها وتعتقد ان الويندوز مش مناسب معاك
فمتقلقش تقدر تكمل الفيديو
لأنك هتتعلم ازاي تثبت اي نسخة ويندوز كدة كدة وكمان رابط الإضافات المحذوفة من نسخة النهاردة هسيبهالك في وصف الفيديو:
https://github.com/Atlas-OS/Atlas/wiki/1.-FAQ#13-whats-removed-in-atlas-os
كمان لازم تعرف انك هتحتاج تثبت كل البرامج من الأول فضروري يكون عندك ملفات التثبيت علشان تثبتها تاني بعد ما تثبت الويندوز
اما بالنسبة للألعاب الأونلاين فغالبا هتقدر تعملها تأكيد او verify من اللانشر الخاص بيها بدون ما تستهلك من باقة النت وترجع تلعب عادي جدا كل لعبة وليها طريفتها
والأهم من ده كله تتأكد ان اي حاجة على الديسكتوب او الديسك c المتثبت عليه الويندوز تنقلها او تحفظها في مكان مختلف
وبس دي كل حاجة محتاج تتأكد منها قبل ما تبدأ
مرحلة التجهيز:
اول حاجة هتحتاج فلاشة حجمها 4 جيجا عالأقل وهتقدر تستخدمها تاني عادي بعد ما تحرق الويندوز عليها او ممكن تشتري اسطوانة 4 جيجا من عند اي مكتبة سعرها تقريبا 5 جنيه
تاني حاجة هتنزل اداة حرق او تجهيز الويندوز واللي هتوفر علينا مجهود كبير من الرابط الموجود تحت الفيديو:
https://rufus.ie/en/
واخيرا هتنزل نسخة الويندوز والمرة دي هحطلك رابط اسهل من سيرفر الدسكورد اللي استخدمناه في الفيديو المختصر قبل كدة:
https://atlasos.net/download
شرح ملخص لكل نسخة وعدم تعريف برنامج faceit ,
بعد تحميل النسخة:
هنحتاج نعرف نوع ال partition
المستخدم في الهارد او الـ ssd
عندك
علشان هتفرق في طريقة حرق الويندوز
تشرح الطريقة
اما يكون mbr
فنوع البوت هيكون legacy
او هيكون gpt
فنوع البوت هيكون uefi
ومتقلقش مش لازم تعرف معاني الحاجات دي المهم تكون فاكر النوع عندك والأهم من كدة تضغط لايك وتشترك علشان تنفع الطريقة معاك وكمل معايا الفيديو
هنحرق الويندوز ونختار نوع البارتيشن في الأداة اللي حملناها وبعدين هنرستر الجهاز
نضغط الزرار الظاهر جمب كلمة boot
اللي بتظهر اول ما يفتح الكمبيوتر
بالنسبة لي هو f12
في كلمة تانية ممكن تظهر بدل بوت وهي set up
دي شائعة لمستخدمين اللاب توب
نفس الكلام هتضغط على الزرار اللي هيظهر جمبها
ومن القايمة اللي هتطلع هتختار بردك boot
بمجرد ما تفتح البوت هتختار الفلاشة او الأسطوانة وجمبيها نوع البارتيشن او طريقة البوت
بعدين نرتجل في طريقة التثبيت
بعدين في الآخر هنثبت البرامج والألعاب من تاني ومبروك عليك واحدة من احسن نسخ الويندوز اللي ممكن تجربها
بالنسبة للتفعيل فأعتبرها نسخة ويندوز عادية وفعلها بأي طريقة تعجبك
ده كان الفيديو كان معاك بيشنيي يا رب تكون استفدت ويلا سلام