Përfshirja e Beratit në UNESCO pritet me entuziazëm nga qytetarët - (13 Korrik 2008)
0Lajme arkiva 2008
Berati jeton prej ditësh me lajmin e përfshirjes së qytetit me pasuritë e trashëgimisë botërore të mbrojtura nga UNESCO. Më të moshuarit ndjejnë mallëngjim për atë që kanë ruajtur me fanatizëm në vitet duke kërkuar të njëjtën gjë dhe nga brezat e rinj. Historian të qytetit mendojnë se kjo ngjarje do të hapë një fazë të re të zbulimit të vlerave që fshihej qyteti 2400-vjeçar.
Parashqevi Sahatçi: “Berati e ka bërë historinë e tij që kur u hodhën themelet e kështjellës. Duhet që historikun e Beratit ta marrin në dorë, ose të jenë të aftë për të shkruar, jo kushdo mund t’i hyjë historisë”.
Përfshirja e Beratit si pasuri e UNESCO është pritur me entuziazëm edhe nga krerët e komuniteteve fetare të këtij qyteti. Ekzistenca e Xhamive dhe Kishave të vjetra shihej si një prej ndërthurjeve të rralla të bashkëjetesës fetare.
Murat Dura: “Këto janë vepra të gjalla monumentale dhe mendoj se kanë shërbyer mjaftë për qytetin tonë që të pranohet në UNESCO duke qenë se janë ruajtur ..”
At Kristaq Subashi: “Ne si komunitet Ortodoks, kemi vlera të veçanta të cilat na bëjnë neve që të jemi më të përgjegjshëm dhe të punojmë më shumë për ta pasuruar, për ta ruajtur dhe për t’i ngritur më lart këto vlera të rëndësishme”.
Me futjen në listën e pasurive të trashëgimisë botërore Berati do t’i nënshtrohet një faze të re investimesh, çka mund ta kthejë qytetin në një nyje të rëndësishme të turizmit kulturorë.
Berat Petrika: “Jemi duke restauruar mure, porta, fasada në qendrën historike. Ka filluar tashmë restaurimi i 5 banesave në lagjen “Goricë” dhe kohët e fundit, shteti ka akorduar dhe një fond të konsiderueshëm mbi restaurimet e teqesë së Abaz Aliut në Malin Tomorr me një çmim të konsiderueshëm, njëkohësisht do të fillojë edhe restaurimi i Kishës së Shën Mëhitit në lagjen “Mangalem”.
Futja e Beratit në UNESCO, sipas qytetarëve është kurorëzimi i punës disavjeçare të institucioneve si dhe dashurisë dhe kontributit të dhënë vet ata./tvklan.al
SUBSCRIBE to “RTV KLAN” on YouTube for more videos!
Për më shumë informacione vizitoni faqen tonë web https://tvklan.al/
Videot e fundit nga Tv Klan i gjeni në faqen https://tvklan.al/video/
Follow Tvklan on Facebook: https://www.facebook.com/tvklan/
Follow rtvklan on Instagram: https://www.instagram.com/rtvklan/
Programet e Tv Klan mund t’i ndiqni edhe në faqen https://tvklan.al/programe/