http://www.vizionplus.tv https://facebook.com/VizionPlusTV https://twitter.com/VizionPlusTV
Pas ceremonisë zyrtare të pritjes, kryeministri Edi Rama ka nisur takimet me presidentin Rexhep Taip Erdogan në pallatin presidencial të Turqisë.Takimet në ditën e parë të vizitës në Turqi nisin me një bisedë kokë më kokë Erdogan dhe Ramës.Në qendër të bisedimeve siç kreu i qeverisë bën me dije në rrjetin e tij social janë për të hapur një kapitull të bashkëpunimi mes dy vendeve, bashkëpunim i cili do të përkthehet me nënshkrimin e marrëveshjeve me rëndësi strategjike.Takimi do të pasohet nga ai mes delegacioneve nga të dyja vendeve.Në mbyllje presidenti turk dhe kryeministri do të dalin në një konferencë të përbashkët për shtyp, ku pritet të bëjnë publike edhe marrëveshjet e reja të bashkëpunimit, kryesisht në planin ekonomik.Takimi i Erdoganit me Edi Ramës, siç edhe shkruhej në njoftimin e bërë nga presidenca turke, do të ketë në fokus jo vetëm bashkëpunimin mes dy vendeve, por edhe për ngjarjet që po zhvillohen në rajonin e Ballkanit, si konflikti i Turqisë me Greqinë, përcaktimi i kufirit detar mes Greqisë dhe Shqipërisë, përballimi i pandemisë dhe përpjekja për të siguruar në kohë vaksinën kundër Covid-19.Me ftesë të vetë presidentit Rexhep Taip Erdogan, kryeministri Edi Rama do të qëndrojë dy ditë në Turqi.
45