Top Channel/ Pak shpresa për bisedimet Rusi-Ukrainë, SHBA: “S`ka rezultat nga negociatat”!
38Zbardhet një tjetër kërkesë e Rusisë për negociatat që synojnë fundin e luftës në Ukrainë. Vetë ministri i jashtem rus, Sergei Lavrov pohoi se pjesë e bisedimeve është dhe pretendimi i Moskës që të hiqen sanksionet e vendosura nga perëndimor pas fillimit të konfliktit. Ai i përshkroi negociatat si të vështira, port ha se përpjekjet për to vazhdojnë cdo ditë. Ndryshe e sheh situatën SHBA dhe presidenti ukrainas, Volodymir Zelensky.
Shtetet e Bashkuara nuk kanë parë shenja se negociatat Rusi-Ukrainë po "rezultojnë të frytshme" ndërsa agresioni i Moskës hyn në muajin e tretë, thotë një zyrtar i lartë i Departamentit të Shtetit. "Rusët nuk duket të jenë të gatshëm të negociojnë me seriozitet," u shpreh këshilltari i lartë i Departamentit të Shtetit Derek Chollet. Vazhdimi i negociatave për t’i dhënë fund luftës së Rusisë kundër Ukrainës është vënë në pikëpyetje, teksa presidenti ukrainas tha se është e vështirë të bisedohet për paqe pas pretendimeve për mizori të kryera nga forcat ruse.
Këto zhvillime vijnë teksa shpresat u zbehën për një evakuim të civilëve nga qyteti i rrethuar i Mariupolit, teksa Rusia po vazhdon ofensivën në lindje të Ukrainës. Sot, Zelensky pohoi se forcat ukrainase po bënin përparime taktike në rajon. Zyra e tij më herët qe shprehur se ishte planifikuar një operacion për të evakuuar civilët nga fabrika e çelikut Azovstal, ku 2,000 forca ukrainase dhe afër 1,000 civilë kanë mbetur të bllokuar. Ndërkaq, në qytetin e dytë më të madh ukrainas, Kharkiv, dita nisi me sulme mortajash e artileri. Sipas Zelensky bombardimet e vazhdueshme dhe “brutale” mbi infrastrukturën dhe zonat e banuara “tregojnë se Rusia dëshiron që ta zbrazë rajonin e Donbasit dhe të largojë të gjithë banorët”, duke shtuar se “mbrojtja e tokës sonë, e njerëzve tanë, po lufton për jetë”.
Pamje: AFP
Departamenti i Informacionit, më i madhi, më kryesori në Top Channel, i cili shënoi fillimin e televizionit me edicionin e lajmeve në 20 dhjetor 2001. Përmes informacioneve të shpejta, të sakta dhe të thelluara, reportazheve dhe rubrikave të tjera informative, Top Channel është kthyer në burimin kryesor dhe me prestigjioz të informimit të të gjithëve në Shqipëri, në hapësirën mbarëshqiptare dhe kudo tjetër në botë ku shqiptarët jetojnë. Top Channel është i pranishëm me kamerat dhe gazetarët e tij në të gjitha ngjarjet më të rëndësishme të vendit dhe në botë, me edicionet e tij informative.
Për më shumë vizitoni: http://top-channel.tv/
Subscribe to "Top Channel" on YouTube Channel for NEWS and TV
Shows HERE: http://bit.ly/2Y15KwK
For more content from click HERE: www.top-channel.tv
Like Top Channel on Facebook HERE: http://bit.ly/2FglWTs
Follow Top Channel on Instagram HERE: http://bit.ly/2uaYG2U
Follow Top Channel on Twitter HERE: http://bit.ly/2TJndeH
#Ukraine#Russia#TopChannelNews