Top Channel/ Rrëmbyen paratë e pensionistëve/ Kapet grabitësi i Kamzës, në kërkim bashkautori,
30-vjeçari Elis Suçi është identifikuar si një prej grabitësve të filialit të postës shqiptare në Kamzë nga ku u morën 1.3 mln lekë.
Një foto është shkëputur nga pamjet e kamerave të sigurisë në zonë pak sekonda pas grabitjes ku i riu largohet në këmbë me qesen e parave në duar, i maskuar me një kapele dhe me një maskë të zezë anti Covid në fytyrë.
Komisariatit nr 5 në Kamzë i janë dashur vetëm pak orë për zbardhjen e kësaj ngjarje. Falë pamjeve të kamerave të sigurisë në zone si edhe të dhënave operative, policia identifikoi dy autorët, Elis Suçin dhe mikun e tij Algert Kurtin të cilët jetonin në një pallat pak metra larg filialit të postës. Policia mundi të vërë në pranga vetëm 20-vjeçarin Algert Kurti i cili tha hetuesve se grabitjen e kishte bërë me mikun e tij Elis Sulçin.
Hetimet zbuluan se ideator për grabitjen ishte 30-vjeçari Elis Suçi, i cili është me precedent të mëparshëm në fushën e vjedhjes dhe tashmë është shpallur në kërkim nga policia. 30-vjeçari ka vëzhguar postën kur aty dorëzoheshin paratë e pensioneve për banorët e zonës dhe ka ruajtur momentin kur në filial ka pasur vetëm punonjëset. Më pas, së bashku me mikun e tij, ka kryer grabitjen nën kërcënimin e një arme.
Në cilësinë e provës materiale policia ka sekuestruar celularin e të arrestuarit si edhe rrobat e përdorura nga ky i fundit në ngjarje por nuk ka gjetur asnjë gjurmë të parave të vjedhura dhe të armës së zjarrit me të cilën u kanosën sportelistet e postës.
Departamenti i Informacionit, më i madhi, më kryesori në Top Channel, i cili shënoi fillimin e televizionit me edicionin e lajmeve në 20 dhjetor 2001. Përmes informacioneve të shpejta, të sakta dhe të thelluara, reportazheve dhe rubrikave të tjera informative, Top Channel është kthyer në burimin kryesor dhe me prestigjioz të informimit të të gjithëve në Shqipëri, në hapësirën mbarëshqiptare dhe kudo tjetër në botë ku shqiptarët jetojnë. Top Channel është i pranishëm me kamerat dhe gazetarët e tij në të gjitha ngjarjet më të rëndësishme të vendit dhe në botë, me edicionet e tij informative.
Për më shumë vizitoni: http://top-channel.tv/
Subscribe to "Top Channel" on YouTube Channel for NEWS and TV
Shows HERE: http://bit.ly/2Y15KwK
For more content from click HERE: www.top-channel.tv
Like Top Channel on Facebook HERE: http://bit.ly/2FglWTs
Follow Top Channel on Instagram HERE: http://bit.ly/2uaYG2U
Follow Top Channel on Twitter HERE: http://bit.ly/2TJndeH
#Kamzë#Arrestim#TopChannelNews