12 Minutes فرصة ضائعة | مراجعة

Channel:

TITAN

Subscribers:

1,240

Published on September 26, 2021 1:00:20 PM ● Video Link: https://www.youtube.com/watch?v=oW2tBOS4fJ0

Game:

12 Minutes (2021)

Duration: 10:04

78 views

11

Twitter: https://twitter.com/Bilal_Ghareeb

*
00:00​ مقدمة
02:37 القصة​
05:05 الجيمبلاي
07:22 البريزنتيشن
08:05 الخلاصة
*

Game: 12 Minutes
Developer: Luis Antonio
Publisher: Annapurna Interactive
Platforms: Xbox One, Xbox Series X and Series S, Macintosh operating systems, Microsoft Windows


في اخر 10 سنين شفنا مطورين كتير بيسيبوا الشركات العمالقة او بمعنى اوضح بيسيبوا ساحة التربل ايه وبيتوجهوا لساحة الاندي او التطوير المستقل وده بالتزامن مع التطور الهايل اللي حصل في الساحة دي فمؤخرا مفيش سنة بتعدي من غير ما يبقا فيها تشكيلة العاب مستقلة محترمة وبتنافس بمحتواها الالعاب العملاقة والاسماء اللي اقدمت على خطوة زي دي هي اسماء مش قليلة خالص وبتبينلك قد ايه الساحة دي مهمة وان فضلها على الصناعة مش قليل فمثلا عندنا ( جايد رايموند ) واللي ليها فضل كبير جدا على سلسلتين زي اساسنز كريد وواتش دوغز قررت انها تسيب يوبيسوفت في اكتوبر 2014 بعد 10 سنين شغل مع العملاق الفرنسي ودي مكنتش محطتها الوحيدة فبعدها و في 2016 انضمت ل(اي ايه ) واسست استوديو ( موتيف ) ولكن بعد كدا سابت ساحة التربل ايه و في مارس 2021 اعلنت عن تأسيس استوديو مستقل خاص بيها باسم ( هيفن انتيرتينمنت ) وعندنا برضو ( ديفيد جولدفارب ) واللي قرر انه يسيب عملاق ( اي ايه ) الشهير ( دايس ) بعد ما كان المصمم الرئيسي لعنوان زي ( باتلفيلد باد كومباني 2 ) وبعد ما كان ليه دور في تصميم طور القصة في ( باتلفيلد 3 ) عشان يروح يشتغل مع ( اوفركيل سوفتوير ) كمخرج ابداعي ل( باي داي 2 ) وبعدها يقرر انه يستقل بنفسه ويأسس استويدو مكون من 4 اشخاص في مدينة ( ستوكهولم ) واخر مثال معانا وهو ( كليف بليزنسكي ) واللي ساب ( ايبك جيمز ) في 2012 بعد ما كان المخرج الابداعي لعنوان زي ( جيرز اوف وار ) وقرر في 2014 انه يأسس استوديو مستقل باسم ( بوس كي برودكشنز ) وهو الاستوديو اللي اشتغل على لعبة ( لاو بريكرز ) واللي صدرت في 2017 طيب ايه علاقة كل الكلام ده بمراجعتنا انهاردة ؟ بكل بساطة مطور لعبتنا انهاردة هو واحد من الاسماء اللي اقدمت على نفس الخطوة دي بالزبط اه اكيد اسمه مش بنفس تقل الاسماء دي ولا تأثيره زي تأثيرهم على الصناعة ولكنه قرر ياخد الريسك زيهم وانا هنا بتكلم عن ( لويس انطونيو ) واللي كان شغال مع استوديوهات كبيرة زي ( يوبيسوفت ) و ( روكستار ) ولكنه في 2011 قرر انه يسيب ساحة التربل ايه ويتوجه لساحة الاندي وبالفعل وفي يناير 2016 شفنا اول شغل ليه مع لعبة ( ذا وتنيس ) وهو كان المسؤول عن الارت ورك بتاع اللعبة وبعدها وفي 19 اغسطس 2021 الراجل بيصدر اول مشروع كامل من اخراجه وتصميمه وكتابته ومن نشر ناشر محترم زي ( انابورنا انتير اكتيف ) على اجهزة الاكس بوكس والبي سي بعنوان ( تويلف مينيتس ) وهي لعبة غموض واثارة فكرتها معتمدة على التايم لوب او الحلقة الزمنية فيا ترى لويس قدم ايه في اول مشروع ليه وهل اللي اتقدم ده يستحق وقتك وفلوسك خلونا نشوف مع بعض ؟

Other Statistics