30-მდე თანამშრომელი "ჰერკულესისგან" ხელფასს სასამართლოს გზის ითხოვს
მეტალურგიური ქარხანა „ჰერკულესის“ თანამშრომლები ხელფასების გადახდის მოთხოვნით დამსაქმებლს უპირისპირდებიან. 30-მდე მუშა ქარხნისაგან 2014 წლის მაისი-ივნისს ხელფასის ანაზღაურებას ითხოვს, რომელიც დაახლოებით 30 000 ლარს შეადგენს. მათ უფლებებს საქართველოს პროფესიული კავშირების გაერთიანება იცავს. უკვე შეტანილია სარჩელი თბილისის საქალაქო სასამართლოში . საქმის პირველი განხილვა 22 ოქტომბერსაა ჩანიშნული. ქარხანაში ამ ეტაპზე 150 ქართველია დასაქმებული , რომელებიც ანალოგიურ ვითარებაში იმყოფებიან, თუმცა მათმა ნაწილმა დავის სასამართლო გზით მოგვარებაზე უარი თქვა. თუ რატომ არ მოხდა ქარხნის მიერ თანამშრომლებისათვის ხელფასის ანაზღაურება ამ კითხვით ჩვენ ასევე ვცადეთ „ჰერკულესის“ ადმინისტრაციასთან დაკავშირება, თუმცა უშედეგოდ, როგორც აღმოჩნდა ქარხანა ამ ეტაპზე გაჩერებულია, ხოლო სატელეფონო ზარებს „ჰერკულესის“ ადგილობრივი წარმომადგენლები არ პასუხობენ.