កោះកុង វាលវែង តើផ្លូវពិបាកឬទេ ? តោះទស្សនាវីដេអូរបស់ខ្ញ៉ំ
កោះកុង វាលវែង តើផ្លូវពិបាកឬទេ ? តោះទស្សនាវីដេអូរបស់ខ្ញ៉ំ
នៅកម្ពុជាបច្ចុប្បន្នមានតំបន់អេកូទេសចរណ៍ជាច្រើនដែលកំពុងមានសក្ដានុពលនិងត្រូវបានភ្ញៀវជាតិនិងអន្តរជាតិទទួលស្គាល់រួចទៅហើយ ប៉ុន្តែសម្រាប់តំបន់អេកូទេសចរណ៍អូរសោមវិញ គឺភ្ញៀវទេសចរណ៍ភាគច្រើននៅមិនទាន់បានជ្រាបច្បាស់នៅឡើយទេ ។
អូសោមជាឈ្មោះឃុំមួយដែលសប្បូរដោយធនធានធម្មជាតិបង្កប់ខ្លួនយ៉ាងជ្រៅតាមជួរភ្នំក្រវ៉ាញ នៃស្រុកវាលវែងក្នុងខេត្តពោធិសាត់ ។ វាជាតំបន់ដាច់ស្រយាលមួយដែលមានចម្ងាយប្រមាណ៣០០គីឡូម៉ែត្រពីរាជធានីភ្នំពេញ ។ យើងអាចធ្វើដំណើរតាមផ្លូវជាតិលេខ៥ឆ្ពោះទៅខេត្តពោធិសាត់មកដល់ចំណុចបង្គោលគីឡូម៉ែត្រលេខ១៤១បត់ឆ្វេងតាមផ្លូវជាតិលេខ៥៥ហៅថាផ្លូវបុប្ផាលាក់ខ្លួន កាត់ស្រុកភ្នំក្រវ៉ាញ បូជនីយដ្ឋានអ្នកតាឃ្លាំងមឿង ភូមិបាក់ចិញ្ចៀន ភូមិចិនយំ ប្រមាណ១៩០គីឡូម៉ែត្រ ដល់រង្វង់មូលទីប្រជុំជនប្រម៉ោយរួចបត់ឆ្វេង ហើយត្រូវធ្វើដំណើរប្រមាណ៤៥គីឡូម៉ែត្រទៀតទើបទៅដល់តំបន់អេកូទេសចរណ៍ឃុំអូរសោមដែលគេដាក់រហ័សនាមឲ្យថា«ពេជ្រមិនទាន់ឆ្នៃ » ។
ចង់ដឹងថា តើឃុំអូរសោមមានសក្ដានុពលផ្នែកអេកូទេសចរណ៍បែបណាខ្លះ សូមតាមដានទស្សនាកិច្ចសម្ភាសន៍ជាមួយប្រធានសហគមគឺលោក នួន លីម នៅអូសោមតែម្ដ
សូមបញ្ជាក់ថា ការធ្វើដំណើរទៅកាន់តំបន់អេកូទេសចរណ៍ឃុំអូរសោមនេះ ក្រៅពីទៅតាមផ្លូវជាតិលេខ៥ និងផ្លូវជាតិលេខ៥៥ ទៅបំបែកត្រឹមរង្វង់មូលប្រមោយស្រុកវាលវែង គេក៏អាចធ្វើដំណើរទៅតាមផ្លូវជាតិលេខ៤ឆ្លងកាត់ខេត្តកំពង់ស្ពឺ និង ខេត្តកោះកុងបានដូចគ្នា ៕