हु केयर्सद्वारा शहरका असहायहरुको साफसफाइ
0बिगत 2012 देखी हु केयर्सले घरबिहिन असहायहरुको सेवा गर्दै आइरहेको छ। यसबर्ष आफ्नो सेवाको 12 साल पुरा गर्ने हु केयर्सले समाजमा विभिन्न सेवामूलक कार्यहरु गर्दै एउटा छुट्टै नाम स्थापित गर्न सफल बनेको छ। 80% युवाहरु रहेको हु केयर्स सेवा गर्ने संस्था मात्र नभएर युवाहरुलाई सहि बाटोमा हिढ्न सिकाउने अभियानमा पनि अग्रिमपंक्तिमा देखिन्छ। यसरी असहायहरुको सेवा गर्दा धेरैजनालाई सडकबाट घर सम्म पुराउन अनि धेरैलाई आत्मनिर्भर पनि बनाएको हु केयर्स संयोजक पृतिका राईले आज पत्रकारहरुलाई जनाइन। हु केयर्सले असहायहरुसंगै पहाड समतलमा अन्य विभिन्न सामाजिक कार्यहरु पनि गर्दै आइरहेको छ भने गतबर्ष बाट हु केयर्सकै सदस्यहरु अनि शुभचिन्तकहरु मिलेर 12 जना बिपन्न परिवारका नानीहरुलाई विभिन्न स्कुलहरुमा शिक्षा पनि प्रदान गरिरहेको छ। यसको साथसाथै कालेबुङ्गको 12 माइलमा जोय होम नाउँ गरेर बृद्द आमाबाबुहरुको निम्ति आश्रयस्थल पनि संचालन गरिरहेको छ भने सिटोङ्गको छ माइलमा अर्को आश्रयस्थल लगभग तयार भइसकेको जानकारी पनि प्राप्त भएको छ। सेवा गर्न सधैं प्रोत्साहन अनि मार्गनिर्देश गरेकोमा हु केयर्स संस्थापक तथा निर्देशक एरोन योन्जनप्रति सम्पुर्ण हु केयर्स सदस्यहरुको पक्षबाट संयोजक प्रितिका राईले मिडियामार्फत धन्यबाद पनि टक्राएकी छन।