#Kurseong Municipality# ब्रिगेन गुरुङ खरसाङ नगरपालिकाका नयाँ अध्यक्ष निर्वाचित ...
4खरसाङ नगरपालिकाको प्रेक्षा गृहमा बसेको एउटा वैठकमा आज सर्व सम्मतिले ब्रिगेन गुरूङलाई खरसाङ नगरपालिकाको अध्यक्ष निर्वाचित गरेको छ। त्यसरी नै वार्ड नम्बर २० का पार्षद सुवास प्रधानलाई उपाध्यक्ष निर्वाचित गरेको छ।
निर्वाचन पश्चात नगरपालिकाका नव निर्वाचित अध्यक्ष ब्रिगेन गुरूङ भन्नु हुन्छ, " खरसाङ नगरपालिकाको अध्यक्षको गरिमामय पदमा चयन गर्नु हुने सबै पार्षद हरु प्रति आभारी छु। अध्यक्ष एक्लैले केही गर्नु सक्दैन। म सबैबाट सकारात्मक सहयोगको अपेक्षा राख्दछु। ब्रिगेन गुरुङ मात्र अध्यक्ष होइन तर हामी सम्पूर्ण पार्षदहरु नै अध्यक्ष जस्तो भएर खरसाङ नगरपालिकाको निम्ति काम गर्नु सकौं। हामी एक जुट भएर काम गर्नु पर्छ।"
भावी कार्यक्रमहरुलाई ठोस दिशा तर्फ लैजान उनले सबैलाई अपिल गर्दै भन्नुभयो, " अब रहेको एक वर्षमा जति पनि कामहरु थाती रहेको छ ती सबै पूरा गर्नेछौ। बिग्रेको कामलाई सपार्ने छौं।"
उनले अझ भन्नु भयो, " म कुनै जदुवाला होइन कि एउटा लठ्ठी घुमाउने बित्तिकै काम भई हाल्छ। म पनि मान्छे नै हुँ। भूल गर्नु मानव स्वभाव हो। तर सानो सानो भूल लाई सुरु मा नै सम्हाल्नु सकिएन भने सम्भल्नु नसकिने भूल गर्न देखि बाचौ। ठूलो ठूलो भूल हरु देखि बाँचेर खरसाङ नगरपालिकालाई प्रगतिको पथमा लैजाउ।"
गोर्खा जनमुक्ति मोर्चाका महा सचिव अनित थापाले नव निर्वाचित नगर अध्यक्ष ब्रिगेन गुरूङ अनि उपाध्यक्ष सुबास प्रधानलाई निर्वाचित भएकोमा बधाई दिंदै भन्नु भयो, " नगरपालिका यस्तो व्यवस्था हो जहाँ बाट नगरपालिकाका वासिन्दाहरूको मूलभूत विकासका आधारहरू माथि कार्य हुन्छ। ब्रिगेन ज्यूको नेतृत्वमा अब खरसाङ नगरपालिकाले अझ राम्रो काम गर्नेछन् भन्ने मेरो विश्वास छ। नगरवासीले अब नगरपालिकाको असल कार्य देख्नेछन्।"
२० जना पार्षदहरूले बनिएको नगरपालिका हो खरसाङ नगरपालिका। १ जना पार्षदको निधन भएको छ। आजको बैठकमा १९ जना पार्षद मध्ये १५ जना पार्षद को उपस्थिति थियो। निष्काशित अध्यक्ष कृष्ण लिम्बू अनि वार्ड नम्बर ९ का पार्षद शान्ति राई अनुपस्थित रहे भने दुई जना पार्षद कोविड संक्रमण भएको कारण उपस्थित हुनु सकेनन्। यी दुवै पार्षदहरूले नव निर्वाचित अध्यक्षलाई समर्थन जनाएका छन्।
बैठकमा डिष्ट्रिक्ट म्याजिस्ट्रेट लाई प्रतिनिधित्व गर्दै डेपुटी म्याजिस्ट्रेट कुन्तल बोस अनि राज्य सरकारलाई प्रतिनिधित्व गर्दै नगरपालिकाका एक्जिक्युटिभ अफिसर रामकृष्ण दत्त अनि फाइनान्स अफिसर सुनिल चन्द्र उपस्थित थिए।
Edit
Rohan Kulung
8637816394/ 9733161396.