2. პოლონეთის ელჩი მარიუშ მაშკიევიჩი, ეროვნული ხსოვნის ინსტიტუტის, პოლონეთის კულტურის სამინისტროს და სენატის, ასევე ვარშავის უნივერისტეტების წარმომადგენლები, ქუთაისში ოფიციალური ვიზიტით იმყოფებიან.დელეგაციის წევრები იმერეთში სახელმწიფო რწმუნებულს შავლეგო ტაბატაძეს, ქუთაისის მერის მოადგილეს ნინო თვალთვაძეს და საკრებულოს თავმჯდომარის მოადგილეს ირაკლი შენგელიას შეხვდნენ.მხარეებმა სამომავლო გეგმებზე ისაუბრებს და ურთიერთანამშრომლობის საკითხები განიხილეს. შეხვედრის ფარგლებში სხვადასხვა კუთხით თანამშრომლობასთან ერთად საუბარი შეეხო პოლონელი ტყვეების მოსაგონრად ქუთაისში მემორიალის მოწყობის საკითხს. ისინი საბჭოთა კავშირის რეპრესიულ პოლიტიკას შეეწირნენ ტყვეთა ბანაკში, რომელიც მეორე მსოფლიო ომის დასრულების შემდეგ ქუთაისში მდებარეობდა.