ქუთაისის საერთაშორისო უნივერსიტეტმა დამამთავრებელი სკოლის მოსწავლეებს უმასპინძლა
📌 გამოგვყევით Youtube-ზე http://bit.ly/M3GAtv 👈
ქუთაისის საერთაშორისო უნივერსიტეტში ზამთრის სკოლის დახურვის ცერემონია გაიმართა. ღონისძიებაზე ზამთრის სკოლის მონაწილეებს სერტიფიკატები და KIU-ს სასაჩუქრე პაკეტები გადაეცათ.
მასში მონაწილეობას (XI -XII) კლასის 40 მოსწავლე იღებდა, რომელიც
საქართველოს სხვადასხვა რეგიონიდან, მათ შორის: თბილისიდან, იმერეთიდან, აჭარიდან, გურიიდან, სამეგრელო-ზემო სვანეთიდან, სამცხე-ჯავახეთიდან, შიდა ქართლიდან და ქვემო ქართლიდან შეირჩა.
სკოლის ფარგლებში მოსწავლეებს ლექციები წაუკითხეს ქუთაისის საერთაშორისო უნივერსიტეტის მათემატიკისა და კომპიუტერული მეცნიერების სკოლის ქართველმა და უცხოელმა პროფესორებმა, რომლებიც თავიანთი დარგის წამყვანი სპეციალისტები არიან. მეცადინეობა ჰიბრიდული მოდელით - ქართულ და ინგლისურ ენებზე მიმდინარეობდა.
ზამთრის სკოლა ინიცირებულია KIU-ს მიერ შოთა რუსთველის საქართველოს ეროვნული სამეცნიერო ფონდის საგრანტო კონკურსის ფარგლებში და ხორციელდება ფონდისა და ქუთაისის საერთაშორისო უნივერსიტეტის ერთობლივი ფინანსური
მხარდაჭერით.
სკოლის მიზანია დამამთავრებელი კლასის მოსწავლეებს გააცნოს
კომპიუტერული მეცნიერების და მათემატიკის თანამედროვე საკითხები და მათი გამოყენებები ბიზნესში, მეცნიერებასა და ტექნოლოგიებში.