ქუთაისში უსინათლოები ფინანსურ დახმარებას ითხოვენ
0📌 გამოგვყევით Youtube-ზე http://bit.ly/M3GAtv 👈
ქუთაისის უსინათლოთა კავშირის გამცილებელმა ლელა ფხაკაძემ საკრებულოზე უსინათლოთა პრობლემებზე ისაუბრა. მისი თქმით ქუთაისში 54 ტოტალურად უსინათლო ცხოვრობს, ხოლო პროგრამაში “უსინათლოთა გამცილებელი” 208 პირია ჩართული.როგორც ლელა ფკახაძემ განაცხადა, მიუხედავად იმისა რომ პროექტის ფარგლებში უსინათლოებისათვის ბევრი რამ გაკეთდა, ამ ადამიანებს ფინანსური დახმარება ესაჭიროებათ. გამომდინარე იქიდან რომ 208 პირის დაბრმავება ვერაგმა დაავდებამ “გლაუკომამ” გამოიწვია, მათ თვალის შენარჩუნება-მკურნალობისთვის ძვირადღირებული წამლები ესაჭიროებათ. როგორც უსინათლოთა გამცილებელი ამბობს ერთი თვალის წვეთი 60 ლარი ღირს. სწორედ ამიტომ ლელა ფკახაძე ადგილობრივი ხელისუფლებისგან უსინათლოებისთვის ყოველთვიური დახმარების დანიშნვას, 60 ლარის ოდენობით ითხოვს.მისივე თქმით უსინათლოები იმავე პრივილეგიებით უნდა სარგებლოდნენ, რითაც ქალაქის სოციალურად დაუცველი მოსახლეობა და საახლწლოდ ნობათსაც უნდა იღებდნენ.