ქუთაისის საერთაშორისო უნივერსიტეტს დიდი ბრიტანეთის ელჩი საქართველოში მარკ კლეიტონი ესტუმრა
📌 გამოგვყევით Youtube-ზე http://bit.ly/M3GAtv 👈
ქუთაისის საერთაშორისო უნივერსიტეტს დიდი ბრიტანეთის ელჩი საქართველოში, მარკ კლეიტონი ესტუმრა. ქუთაისის საერთაშორისო უნივერსიტეტის სტუდენტებისთვის, მარკ კლეიტონმა საჯარო ლექცია წაიკითხა თემაზე „დიდი ბრიტანეთისა და საქართველოს ურთიერთობები“. სტუდენტებთან შეხვედრა ინტერაქტიული ხასიათის იყო და ახალგაზრდებს შესაძლებლობა ჰქონდათ მათთვის საინტერესო კითხვებზე მიეღოთ პასუხები. ვიზიტის ფარგლებში, ელჩი კიუს ადმინისტრაციას და აკადემიურ გუნდს შეხვდა. ასევე, გაეცნო საუნივერსიტეტო ქალაქს და სასწავლო პროცესს. გასულ თვეში ქუთაისის საერთაშორისო უნივერსიტეტმა (KIU) სასწავლო პროცესი აუდიტორიებში განაახლა. ამჟამად, KIU-ში სწავლება სამ ინგლისურენოვან პროგრამაზე - მენეჯმენტი, მათემატიკა და კომპიუტერული მეცნიერებები მიმდინარეობს. ქუთაისის საერთაშორისო უნივერსიტეტი 2021-2022 სასწავლო წლისთვის სტუდენტების ახალი ნაკადის მისაღებად ემზადება.