PAGLISAN SA AKING KAARAWAN | SPOKEN WORD POETRY | JhayL TV
“PAGLISAN SA AKING KAARAWAN”
By: John Louiese Mata
01.16.18
Mahal, miss na kita
Mga salitang nababanggit kapag naalala ka
Mahal, mahal na mahal kita
Mga salitang nais kong bigkasin kahit wala ka na
Mahal, sana andito ka
Mga salitang sinasambit ng paulit ulit
Para iparatating sa’yong kailangan kita
Miss na miss ko na ang lahat ng meron tayo
Miss ko na ang lahat ng meron noon sa’ting dalawa
Ngunit alam ko na ang lahat ng iyon ay imposible na
Kung kaya ko lang sanang ibalik ang nakaraan
Ginawa ko na, makapiling ka lang ulit sinta
Sariwa pa rin sa aking mga alaala
Ang iyong biglaang paglisan sinta
Paglisan na kailanma’y hindi ko inaasahan
Paglisan na kailanma’y hindi mo sa’kin naituran
Paglisan na dahilan ng aking matinding kalungkutan
Bigla akong nalungkot at walang naramdaman
Pagkat hindi ko inaasahan na sa akin pang kaarawan
Mawawala ang mahal ko na dahilan ng kaligayahan
Ang kaarawang dapat ay kasiyahan
Napalitan ng dalamhati at kalungkutan
Ang pag-alala sa mga ito’y ‘di ko maiwasan
Tinatanong kung bakit sa akin pang kaarawan?
Siguro’y nais mong laging aking maalala
Na sa bawat kaarawan ay maalala din kita
Maalala ang iyong masakit na pagkawala sinta
Maalala ang pagkawala ng lalakeng mahal kong talaga
Masakit man isipin na ikaw ay lumisan
Sa pagtanggap, ako man ay mahirapan
Masakit mang isiping iniwan mo na ng tuluyan
lahat ng iyong bilin, ay akin pa ring isasakatuparan
Alam ko na sa picture na lang ulit kita mahahawakan
Alam ko na sa isip na lang kita matatagpuan
Pati magagandang alaala n g ating nagdaan
Nagdaang kailanma’y hindi mapapalitan
Ngunit alam ko rin naming ‘di mo masasagutan
Ang aking naiturang mga katanungan
Sapagkat sa tula ko lang pinamagitan
Ang tanong tungkol sa iyong paglisan
Ang pag-ibig natin na dati’y pinag isa
Ngayon sa sarili ko na lamang nadarama
Ang mga alaala ng ating pagsasama
Sa puso’t isip ko’y kailanma’y ‘di mabubura
Sa dinami-rami ng bagay na sa atin ay maghihiwalay
Bakit ang pagkakataong ‘di na muling makita habang buhay?
Ngunit sa tadhana’y ano ang aking laban?
Walang magagawa kahit na ang aking pagluha
Matinding karibal aking kinaharap
Kahit malungkot, natutong magpanggap
Magpanggap na masaya kahit mahirap
Mahirap na ako na lang ang tutuloy sa ating mga pangarap
Sa ating tatlong anak ay huwag mag alala
Tinutupad ko pa rin ang sumpaan nating dalawa
Pinipilit buuhin ang ating pamilya
Pagkat alam ko na andyan pa rin ang iyong presensya
Mahal, maraming salamat
Sa pag-ibig mong laging tapat
Lahat ng mga alaala mo ay sapat
Para manatili ka sa puso kong dapat
Sana’y ipagpaumanhin ang aking katanungan
Na bumagabag sa aking isipan
Na kung bakit ka lumisan
Sa akin pang kaarawan.
#SpokenWordPoetry #FilipinoSpokenWord #Paglisan