Prishja e ndertimeve fillon nga Velipoja e Ksamili - News, Lajme - Vizion Plus
108http://www.vizionplus.tv
https://facebook.com/VizionPlusTV
https://twitter.com/VizionPlusTV
https://instagram.com/VizionPlusTv
Mesnata e së Dielës është afati i fundit prishjes së ndërtimeve pa leje nga të zotët e tyre. Të Hënën në mëngjes aksioni i paralajmëruar nga kryeministri Edi Rama për t’i dhënë fund paligjshmërisë në ndërtim përgjatë vijës bregdetare nga Veriu në Jug të Shqipërisë nis në plazhin e Velipojë dhe atë të Ksamilit. Operacioni i shembjes së godinave do të kryhet njëherësh në të dyja plazhet e vendit bën me dije Inspektorati Kombëtar i Mbrojtjes së Territorit. Nga identifikimi i bërë nga Ministria e Brendshme dhe Agjencia Shtetërore e Kadastrës, godinave që do tu vihet fadroma, pasi janë ngritur pa leje, janë nga një deri në pesë kate. 15 të tilla gjenden në Velipojë ndërsa 30, përgjatë vijës së bregdetit në Ksamil. Nga vlerësimi i bërë nga IKMT, rezulton se ato janë më së shumti struktura betoni-arme ndërsa më pak janë godinat me material më të lehtë. Pas Velipojës dhe Ksamilit, operacioni i pagëzuar me emrin “Bregdeti Ynë”, do të shtrihet edhe në qytetet e tjera. Të Martën e 1 Qershorit, kreu i qeverisë Edi Rama, paralajmëroi përballjen me drejtësinë nga i zoti te zbatuesit e projektit që në shkelje të ligjit, janë zaptues të hapësirave bregdetare. Madje u kujtoi se me ndryshimet në kodin penal, rrezikojnë deri në 15 vite burg. EDI RAMA KRYEMINISTER I SHQIPERISE 1 Qershor 2021 “Bregdeti Ynë” do të përfshijë në rruspën e tij edhe ato objekte që kanë dorëzuar dokumentet për legalizimin, por që sipas drejtorit të Kadastrës, Artan Lame, mundësia për t’u legalizuar është zero. Fadromat shkatërruese do të jenë nëpër plazhe deri në fund të Qershorit, për t’u rikthyer për të shembur ato që nuk do të mundin, në vjeshtë, për të mos dëmtuar sezonin turistik në kulmin e tij, Korrik dhe Gusht. Kjo nuk është hera e parë që Edi Rama flet për një furtunë me paligjshmërinë në sektorin e ndërtimit. Si edhe në fillesat e mandatit të tij të parë qeverisës, ai kërkoi kontroll të plotë mbi territorin e vendit. Pas tetë vitesh, të njëjtën gjë i kërkon policisë së shteti, madje duke ia lënë pjesën më të madhe të fajit uniformave se janë korruptuar sa herë janë përballur me një ndërtim të paligjshëm.
Subscribe: https://www.youtube.com/user/vizionplusalbania?sub_confirmation=1