Samiti i Mesdheut në Paris mbledh 42 krerë të shteteve të BE për forcimin e rajonit - 13 Korrik 2008
Lajme arkiva 2008
Krerët e 42 shteteve të Bashkimit Europian dhe vendeve të Mesdheut janë mbledhur në Paris në një samit inaugurues të Unionit të Mesdheut. Shqipëria përfaqësohej nga Kryeministri Sali Berisha në këtë samit të rëndësishëm për rajonin.
Berisha do të mbajë edhe një fjalim ku do të vendos theksin tek bashkëpunimi dhe forcimi i marrëdhënieve mes vendeve të Mesdheut dhe ato të Bashkimit Europian. Ai do të nënshkruaj edhe një memorandum me përfaqësuesin e lartë të politikës së jashtme të BE Javier Solana, për pjesëmarrjen e trupave shqiptarë në misionet paqeruajtëse të BE-së në republikën e Çadit.
Kreu i qeverisë i shoqëruar dhe nga Ministri Lulzim Basha, do të jetë i pranishëm edhe në festimet madhështore që do të zhvillohen me rastin e festës kombëtare të Francës. Unioni i Mesdheut, i cili do të bashkojë në një ombrellë vende që arrijnë një popullsi mbi 750 milion banorë, është ideja e presidentit francez Nikolas Sarkozy. Ai thotë se ky Union mund të dërgojë njëherë shpresën në Rajon. Kjo ide sipas korrespondentit të BBC përfaqëson një përpjekje të guximshme për të përfshirë jo vetëm Francën por gjithë Europën me Afrikën Veriore dhe Lindjen e Mesme.
Sipas tyre Sarkozy po bën një lojë e zgjuar sidomos në rehabilitimin e marrëdhënieve mes Sirisë dhe Libanit, përfaqësuesit e të cilëve thanë, se ishin të gatshëm të vendosin marrëdhënie diplomatike mes tyre. Synimet fillestare të organizatës do të jenë modeste dhe praktike si lufta ndaj ndotjes në detin e Mesdheut dhe intensifikimi i përdorimit të energjisë diellore. Megjithatë në deklaratën përfundimtare të samitit priten të mos përmenden çështjet kontradiktore si terrorizmi dhe paqja në Lindjen e Mesme./tvklan.al
Gazetare: Urita Dokle
SUBSCRIBE to “RTV KLAN” on YouTube for more videos!
Për më shumë informacione vizitoni faqen tonë web https://tvklan.al/
Videot e fundit nga Tv Klan i gjeni në faqen https://tvklan.al/video/
Follow Tvklan on Facebook: https://www.facebook.com/tvklan/
Follow rtvklan on Instagram: https://www.instagram.com/rtvklan/
Programet e Tv Klan mund t’i ndiqni edhe në faqen https://tvklan.al/programe/