Top Channel/ Ivana Trump, emigrantja që u kthye në institucion në Amerikë!
Ivana Trump, ish-skiatorja dhe ish modelja që do të bëhej gruaja e parë e Donald Trumpit, duke përfaqësuar kështu gjysmën e një cifti të fuqishëm në SHBA në vitet 1980, ndërroi jetë një ditë më parë në Neë Jork në moshën 73 vjecare.
Nëna e tre fëmijëve të mëdhenj të ish presidentit, u shua në banesën e saj. Vetë Trumpi e përshkroi si “një grua të mrekullueshme, të bukur dhe mahnitëse, që pati një jetë të shkëlqyer dhe frymëzuese”. “Ajo ishte shumë krenare për , Donald Jr, Ivank-an dhe Eric-un, ashtu siç ishim të gjithë ne krenarë për të. Pusho në paqe, Ivana!”, shkroi ai në rrjetin social Truth Social.
E lindur si Ivana Marie Zelnickova në 1949 në atë që ishte asokohe Cekosllovakia komuniste, ajo u rrit në qytetin e vogël të Zlinit. I ati ishte inxhinjer elektrik, e ëma punonte në postë. Filloi të merrej me ski që katër vjec e më vonë do t`i bashkohej ekipit kombëtar të të rinjve. Sic do të kujtonte e ëma më vonë, ajo që herët kërkoi të eksporonte jashtë qytetit të saj.
Thjesht, nuk donte të qëndronte aty. Shpejt do t`i hynte karrierës së modelingut, e në moshën 29 vjecare takoi Donald Trumpin gjatë një pritjeje me modele të tjera në Neë York. Një vit më vonë, ishin të martuar. Kur vinte fjala tek ambicjet, nuk mbetej pas të shoqit dhe mbajti një sërë pozicionesh brenda organizatës Trump e krijoi një markë të suksesshme mode, ndërsa mbetej ngushtësisht e përfshirë në projektet e biznesit të bashkëshortit. ishte ajo që zgjodhi mermerin rozë i cili zbukuron dyshemene dhe muret e Kullës Trump, duke kaluar mbi vendimet e arkitektëve të ndërtesës, e insistoi dhe për shatërvanin e brendshëm madhështor.
Cifti do të kthehej shpejt në pjesë të pandashme të shkëlqimit të skenës sociale të Neë Yorkut. Ivana u gjet pa ndjenja në shtëpi pranë shkallëve. Zyra e mjekut ligjor do të përcaktojë tani shkakun zyrtar të vdekjes. Ne deklaratën e familjes theksohet se ajo iku nga komunizmi dhe përqafoi SHBA-në, ndërsa do të kujtohet dhe për shprehjen e famshme drejtuar grave: “Duhet të jeni të forta e të pavarura, e mos harroni, mos u zemëroni por merrni gjithcka!
Pamje: AFP
Departamenti i Informacionit, më i madhi, më kryesori në Top Channel, i cili shënoi fillimin e televizionit me edicionin e lajmeve në 20 dhjetor 2001. Përmes informacioneve të shpejta, të sakta dhe të thelluara, reportazheve dhe rubrikave të tjera informative, Top Channel është kthyer në burimin kryesor dhe me prestigjioz të informimit të të gjithëve në Shqipëri, në hapësirën mbarëshqiptare dhe kudo tjetër në botë ku shqiptarët jetojnë. Top Channel është i pranishëm me kamerat dhe gazetarët e tij në të gjitha ngjarjet më të rëndësishme të vendit dhe në botë, me edicionet e tij informative.
Për më shumë vizitoni: http://top-channel.tv/
Subscribe to "Top Channel" on YouTube Channel for NEWS and TV
Shows HERE: http://bit.ly/2Y15KwK
For more content from click HERE: www.top-channel.tv
Like Top Channel on Facebook HERE: http://bit.ly/2FglWTs
Follow Top Channel on Instagram HERE: http://bit.ly/2uaYG2U
Follow Top Channel on Twitter HERE: http://bit.ly/2TJndeH
#IvanaTrump#DonaldTrumpi#TopChannelNews