Top Channel/ “Tirana Gate 2022”, nis festivali ndërkombëtar i të rinjve
2“Tirana Gate 2022”, edicioni i dytë i Festivalit Ndërkombëtar të të Rinjve, po zhvillohet për tre ditë me radhë, 5, 6 dhe 7 Tetor në Muzeun Historik Kombëtar në kryeqytet. Tema e edicionit të këtij viti është “Fqinjët”. Pjesëmarrës në këtë festival ishin autorë e shkrimtarë të rinj, dhe jo vetëm, nga Ballkani dhe Evropa.
I pranishëm ishte edhe kryetari i Bashkisë së Tiranës, Erion Veliaj, i cili në fjalën e tij tha se fqinjësia e mirë ka rëndësi të veçantë gjatë gjithë formimit të njeriut.
“Fqinjësia e mirë ka shumë rëndësi, por ajo nuk duhet marrë si e mirëqenë. Në Tiranë jemi me fat sepse gjendemi mes Athinës së demokracisë dhe Europës së lashtë të shtetformimit; pra, nuk mendojmë kurrë se të qenit mes Romës dhe Athinës është rrezik për ne. Nuk e mendojmë këtë as për Maqedoninë e Veriut, ku 30% janë shqiptarë, as për Malin e Zi, për Kosovën jo e jo. Por ajo që ne mund ta marrim për të mirëqenë është luks për disa të tjerë, siç është rasti i Ukrainës, e cila nuk e ka luksin ta marrë për të mirëqenë fqinjin e saj, se fqinji i tyre ka shpallur mobilizim për t’i pushtuar. Fqinjësia nuk duhet marrë si e mirëqenë sepse kemi disa shembuj shumë afër nesh që na tregojnë se fqinjësia mund të jetë një aset i madh, thesar, mundësi, por mund të jetë edhe shkatërrim i madh. Kush nuk e kuron fqinjësinë, kush nuk e mjekon fqinjësinë, kush nuk i shëron ato plagët, mund t’i përsërisë këto gabime. Shpresoj shumë që edhe takimet për librin të shërbejnë për të krijuar fqinjësi e miqësi të tilla për të rinjtë”, u shpreh Veliaj.
Kryebashkiaku i porosity letrarët e rinj se miqësitë dhe fqinjësitë e mira duhen ruajtur si të tilla.
Koordinatorja e titullit “Tirana, Kryeqyteti Evropian i Rinisë 2022”, Aspasjana Kongo, tha se ky festival është ndryshe nga herët e tjera, për faktin se ka më shumë përfshirje të shkrimtarëve të rinj.
“Ky është një panel ku të rinjtë kanë mundësi të diskutojnë, bashkëbisedojnë dhe shkëmbejnë eksperienca dhe për të arritur në një gjuhë të përbashkët. Ju falenderoj për organizimin dhe lehtësimin që na keni mundësuar për të sjellë një festival të tillë, në përfshirjen e më shumë se 15 shkrimtarëve, autorëve të rinj. Sigurisht, vitin tjetër me synimin që të kemi edhe më shumë, por edhe për të punuar edhe më shumë”, u shpreh Kongo.
Departamenti i Informacionit, më i madhi, më kryesori në Top Channel, i cili shënoi fillimin e televizionit me edicionin e lajmeve në 20 dhjetor 2001. Përmes informacioneve të shpejta, të sakta dhe të thelluara, reportazheve dhe rubrikave të tjera informative, Top Channel është kthyer në burimin kryesor dhe me prestigjioz të informimit të të gjithëve në Shqipëri, në hapësirën mbarëshqiptare dhe kudo tjetër në botë ku shqiptarët jetojnë. Top Channel është i pranishëm me kamerat dhe gazetarët e tij në të gjitha ngjarjet më të rëndësishme të vendit dhe në botë, me edicionet e tij informative.
Për më shumë vizitoni: http://top-channel.tv/
Subscribe to "Top Channel" on YouTube Channel for NEWS and TV
Shows HERE: http://bit.ly/2Y15KwK
For more content from click HERE: www.top-channel.tv
Like Top Channel on Facebook HERE: http://bit.ly/2FglWTs
Follow Top Channel on Instagram HERE: http://bit.ly/2uaYG2U
Follow Top Channel on Twitter HERE: http://bit.ly/2TJndeH
#TiranaGate2022#ErionVeliaj#TopChannelNews