Klubi i Futbollit Shkumbini nisi rikonstruksionin e kompleksit stërvitor. Presidenti i FSHF-së, Armand Duka, vlerësoi projektin dhe theksoi se Federata është e gatshme për të bërë realitet edhe shumë të tjera në të ardhmen, që ndihmojnë në zhvillimin e futbollit të fëmijëve.
“Si në të gjitha projektet padyshim me shumë dëshirë FSHF do të mbështes nga fondet e saj këtë projekt. Ka kohë që kemi filluar të bisedojmë dhe më vjen mirë që tani po bëhet realitet. Lexohet në fytyrat e atyre që kam takuar dëshira dhe dashuria që ka Peqini për futbollin. T’ju shpreh edhe njëherë gatishmërinë dhe respektin maksimal të FSHF-së për ta bërë së bashku këtë projekt dhe projekte të tjera.”
Punimet për kompleksin e ri që do të ketë 2 fusha nisin në 100-vjetorin e themelimit të Klubit të Futbollit Shkumbini dhe pritet të mbyllen në fund të Gushtit, ndërsa do të kushtojnë rreth 600 mijë Euro.
SUBSCRIBE to “RTV KLAN” on YouTube for more videos!