Uncovering the Secrets of the Dark Web: Here's What You Need to Know!
اشياء مرعبة تحدث في الانترنت العميق و المظلم ( الديب ويب و الدارك ويب ) deep web dark web
فيديو ممنوع على اصحاب القلوب الضعيفة .. لن تصدق ما سوف تراه في هاذا العالم المرعب
كل ما تريد معرفته حول الديب ويب و الدارك ويب
كل شيئ في العالم عندو جانبان جانب مضيئ و جانب مظلم وبما فيهم الإنترنت .. عندو جانب مضيئ و اللي فاد بيها البشرية كيما غوغل اليوتيب فايسبوك حتى واد كنيس و عندو جانب مظلم ولي اغلبية الناس ماتعرفوش و هو الانترنت العميق و الانترنت المظلم ( الديب واب و الدارك ويب ) ..
واشنو الديب ويب :
- الديب ويب هو الجزء الخفي من الإنترنت .. ولا يخضع للرقابة من أي جهة ..و هو يتألف من كامل صفحات الويب لي ماتقدرش مُحركات البحث العادية باش تلقاها .. كيما جوجل وياهو.. هو منلخر محتوى موجود في أعماق الإنترنت و الحاجة لي تشوكيك اكثر هو أن كل ما يتصفحه الناس مايفوتش من 10 – 15% من الإنترنت .. و الباقي هو لي يقولو عليه الإنترنت المظلم..( الدارك ويب ) ويمثل أكثر من 5 أضعاف الإنترنت العادي ..
واشنو الفرق بين الديب ويب deep web و الدارك ويب Dark Web :
الديب واب ممكن أن يحتوي علي دورات تكوينية ولا معلوماتٍ فيها شوية تاع - شوف من اللخر
فائدة .و جينيرالمو تستعملو الحكومات والمنظمات باش تخبي المعلومات تاعها ومايقدر حتى انسان فوق الارض ومهما تكون الصف تاعو باش يوصل ليهم .
بصح الدارك ويب لا يحتوي إلا على أسوأ وأخطر المواقع على الإطلاق ....
تما يقدرو البشر ممارسة جميع الأنشطة غير القانونية و الغيراخلاقية .. ويتم استخدام تقنيات مختلفة دون القلق أو الخوف من الجهات المعنية يعني دير واش راك باغي و محال والحكومة ولا غيرها تفيقلك ..
الدارك ويب يعتبر جزء من الديب ويب .. و
نحكيو على اكثر الاشياء المرعبة واشهر الانشطة الموجودة في الدارك ويب ؟
باهي ..
سوق المخدرات ..
شراء وبيع المخدرات حاجة معروفة وبديهية ومشهورة فالدارك ويب ويتدرج البيع من النوعية الممتازة للماريجوانا إلى عقاقير الهلوسة والحبوب والحقن المخدرة.. وكاين السلعة لي تحب تاع مروك تاع دزاير .. نتا ودراهمك .. ومنلخر “Silk Road” أشهر مواقع الدارك ويب هي أشهر سوق ممنوعات في العالم.. ..
سوق الأسلحة..
امبوسيبل تهدر على الدارك ويب بلا ماتذكر الأسلحة .. علاخاطر راه سوق كبير وعندو شعبية .. وتقدر تشري أنواع مختلفة من الأسلحة.. من المسدسات إلى البنادق أو حتى القنابل اليدوية صدقني يبيعلك حتا غواصة بون اوكازيو .. وتوصلك حتى لباب الدار فالدارك ويب توت أي بوسيبل ..
تأجير قاتل ..
باينة بلي باش تتفاهم مع كاش قاتل مأجور شوية صغيب على شبكة الإنترنت العادية .. إلا أن ذلك ليس أكثر منه سهولة في الدارك ويب.. كاين بزااف انواع تاع اشخاص تقدر توظفهم وتختلف الأسعار على اختلاف الأشخاص لي حاب تقتلهم من سياسيين وموظفي حكومة فنانين و غيرهم .. ونتا لي تخير طريقة القتل .. عليك وعلى جيبك ..
تجارة البشر
علابلك رانا قال 2020 و البشر راهم سلعة تتباع عادي ..وعندهم سوق سببسيال ..
ومانحكيلكش واش راه صاري للأبرياء في هذا العالم القذر .. بيسك راه يتم اختطاف الأطفال الأيتام وأطفال الشوارع .. أو حتى الكبار .. ويعرضوهم للبيع .. ولا يقطعو رحليهم و يديهم و يبيعوها كدمى جنسية وتاني لتجارة الاعضاء فالدارك ويب دوموندي كلية ولا كبد وتوصلك حتى لعندك عادي كشغل رايح تشري موطو من واد كنيس
طبخ البشر ..
كاين ديزارتيكل .. ينعتلك بلي ديتاي كيفاه تذبح وتسلخ عبد بشري .. ويوريلك حتى طريقة طبخه واكله ومانيش حاب نحكي فهاذ الموضوع اكثر اسمحولي ..
الحصول على بطاقة هوية مزيفة
علابالك بلي تقدر تنافيقي على وثائق هوية أو جواز سفر تاع أي بلاد راك باغيها وبسهولة خلاص ,, انت خلص و هوما غدوة يجيبوهالك للدار ,, كاين شي ناس سبيسياليست بسرقة معلومات البطاقات ابصفة عامة ويبيعوها لناس باغيينها باش يزوروها ..
.. و تقدر تتحقق من هاد المواقع قبل ماتخلص ..فهي تقدم التغذية الراجعة من زبائن سابقين يعني الناس لي جربو هاذ التجربة و صلحت معاهم يمدو رايهم كشغل كومونتار فالفايسبوك
..
الغرف الحمراء ولي اسمها الراد روم
هي غرف بث مباشر للقتل والتعذيب.. عرض يقوم على الدفع مقابل مشاهدة مقاطع فيديو لأطفال ولا نساء ولا حتى شياب يتعرضون للتعذيب والاعتداء و هاذي يجوها الناس لي عندهم حب الإجرام و عشقهم للدم و لي احنا نوصفوهم بالسادي و السادية
و اكيد السومة تتغير على حساب عمر و جنس الضحية وهوما لي يطلبو طريقة القتل وطريقة التعذيب على حسااب واش حابين هوما ....
القرصنة
في الدارك ويب تقدر تعيين أشخاص لاختراق مواقع وحسابات .. وتقدر ثاني توصل إلى للمعلومات السرية للحكومات.. وأسرار مخفية ماتتوقعهاش طول حياتك .. ماتخممش مكانش عندهم بيراطاج تاع فايسبوك مايطيحوش النيفو هوما ..
السطو
ههه ماتستغربش ياك قتلك كلشي كاين فالدارك ويب . وقدر تنافيقي سارق لسرقة أي شيء تريده. فاللصوص المحترفون متوفرون ويقدرو يسرقو أي حاجة باغيها ,, انت خلص و الباقي عليهم
علابالي بلي راك تسقسي في روحك كيفاه ندخل لهاذ الانترنت و منين و كيفاه ؟ ة راه شادك الفضول باش تعرف اكثر واش كاين فيه بصح يا عزيزي انا ماننصحكش تدخلو ولا تخمم برك تدخلو على خاطر مكاين حتى حاجة فيه تقدر تفيدك ولا تفرحك و بلعكس قادر بغلطة تصرالك مشكلة و تلقى روحك فالحبس ولا مقتول وكيما صرات لبزاف ناس راحو ضحية الجهل
كاين بزاف مواضيع تعمدت مانحكيش عليها احتراما لثقافتنا و دينا و بما انو هذا عالم قذر رايح يكون هذا اول و اخر فيديو نحكي فيه على الديب و الدارك ويب
لي عندو سؤال على هاذ الموضوع خليهولي في كومونتار و انا غادي نجاوب عليه ؟ ماتنساش دعمنا على القناة