მედიის წარმომადგენლებისთვის წყალტობოს მუნიციპალიტეტში 2 დღიანი სემინარი გაიმართა /MTAVARI/
რეგიონალური მედიის წარმომადგენლებისთვის წყალტობოს მუნიციპალიტეტში 2 დღიანი სემინარი გაიმართა. სემინარი პროექტის - „მყარი ნარჩენების ინტეგრირებული მართვის სისტემა - ქუთაისი“ ფარგლებში ჩატარდა და მისი მიზანი მედიის წარმომადგენლებისათვის საქართველოში მყარი ნარჩენების მართვის კუთხით ინფორმაციის მიწოდება იყო. სემინარის ფარგლებში მედიის წარმომადგენლებმა ინფორმაცია ასევე მიიღეს არსებული პროქტის შესახებ. პროექტი საინვესტიციო ღირებულება 26 მილიონ ევროს შეადგენს და მისი მიზანია, (2015-2019 წლებში) ახალი რეგიონული ნაგავსაყრელის მშენებლობა, რომელიც იმერეთის, რაჭა-ლეჩხუმისა და ქვემო სვანეთის რეგიონებს მოემსახურება.სემინარი ასევე მოიცავდა სამტრედიის კეთილმოწყობილი მუნიციპალური ნაგავსაყრელის მონახულებას, და ნარჩენების მართვის სისტემის უკეთ გაცნობას, რომელიც მედიის წარმომადგენლებმა სემინარის ორგანიზატორებთან ერთად დაათვალიერეს.