http://www.vizionplus.tv https://facebook.com/VizionPlusTV https://twitter.com/VizionPlusTV
Një pacient 69-vjeçar i infektuar me COVID-19 është hedhur nga kati i dytë i Infektivit mesditën e kësaj të marte duke tentuar te vetëvritet. Reshat Gërbi nga Fieri është në rrezik për jetën për shkak të plagëve të marra. Burimet zyrtare bënë të ditur se 69-vjeçari ishte shtruar një ditë më parë në Infektiv, pas përkeqësimit si pasojë e koronavirusit. Mësohet se pacienti doli nga korridori i spitali dhe u hodh nga kati i dytë. Ambientet e infektivit u rrethuan nga forca të shumta policie menjëherë pas ngjarjes. Familjarët e Gërbit u shprehen të shokuar ndërsa thanë se ai nuk kishte asnjë problem tjetër shëndetësor. Ky është rasti i katërt, ku pacientë të infektuar me COVID hidhen nga dritaret e dhomave të spitaleve covid. Ne gusht 29-vjeçarin Xhino Koça i dha fund jetës tek Shefqet Ndroqi. Në shtator humbi jetën Hasan Mira 65 vjeç. Pacienti i tretë që kreu aktin ekstrem më datën 1 nëntor ishte 53-vjeçari Preng Gjonaj. Sipas mjekëve, të infektuarit me COVID-19 përpos problemeve në mushkëri, vuajnë edhe pasoja të rënda psikologjike gjatë periudhës së trajtimit.
1