छुटटै राज्यको मांगहरूलाई प्रभावशली बनाउँने विषयमा सोनाम र अजय वीच चर्चा
1लेह लदाख, 20 मार्च ; लेह लदाखको बासिन्दाहरूले लेह लदाखलाई लिएर छुटटै राज्यको गठन अथवा छैटौ अनुसूचिको मांग गर्दै आइरहेकाछन्।यी मांगलाई लिएर गत केही दिन अधिदेखि बरिष्ठ समाज सेवी सोनाम वाङचुक लेह लदाखको छिरिङ तोप्देन पार्कमा धरनामा बस्दै आइरहेका छन।सोनाम वाङचुकको धरना स्थलको वरिपरि लेह लददखको बासिन्दाहरू भारी संख्यामा उपस्थित रहेका छन्।लेह लदाखको बासिन्दाहरूको मांगलाई समर्थन जनाउँन दार्जीलिङ पहाडबाट हाम्रो पार्टी अध्यक्ष अजय एडवडर्स लेह लदाख पूगेका छन् भने हिज मंगलबार उनी सोनाम वाङचुकको धरनालाई समर्थन जनाउँदै धरनामा बसेका छन्। लेह लदाख अनि गोर्खाहरूको मांग र अवस्था एकै प्रकारको रहेकोले हाम्रो पार्टीले लेह लदाखीहरूको मांगलाई अधिबाटै समर्थन जनाउँदै आएको हो। देशको सिमावर्ती क्षेत्रहरूमा छुटटै राज्यको मांगहरू उठाउँदै आएका राजनैतिक पार्टी एंव संघ संस्थाहरूलाई एउटै मंचमा ल्याएर संयुक्त रूपमा गणतान्त्रिक रूपमा आन्दोलन गर्ने हाम्रो पार्टी अध्यक्ष अजय एडवाडर्स र सोनाम वाङचुक वीच चर्चा भएको जानकारी प्राप्त भएको छ।