აკაკი წერეთლის იუბილასდმი მიძღვნილი საღამო მესხიშვილის სახელობის თეატრში გაიმართა
ქუთაისის ლადო მესხიშვილის სახელობის პროფესიულ სახელმწიფო დრამატულ თეატრში, აკაკი წერეთლის საიუბილეო წლისადმი მიძღვნილი საღამო გაიმართა. ღონისძიების ფარგლებში, თეატრის ფოიეში აკაკი წერეთლის ცხოვრებისა და მოღვაწეობის შესახებ შექმნილი გამოფენები და წიგნის პრეზენტაცია მოეწყო. საღამოზე აკაკი წერეთლისადმი მიძღვნილი კატალოგის პრეზენტაცია მოეწყო. საიუბილეო თარიღთან დაკავშრებით თეატრში გამოფენა სახელწოდებით „აკაკი ქართულ ხელოვნებაში“ გაიმართა. სპეციალურად ამ დღისათვის თეატრალური წარმოდგენა დაიდგა, რომელშიც სხვადასხვა თეატრის მსახიობები და ცნობილი ქართველი მომღერლები მონაწილეობდნენ. ღონისძიება საქართველოს კულტურისა და ძეგლთა დაცვის სამინისტროს ინიციატივითა და ორგანიზებით და ქუთაისის მერიის მხარდაჭერით გაიმართა. 2015 აკაკი წერეთლის საიუბილეო წელია. მწერლის გარდაცვალებიდან 100, ხოლო დაბადებიდან 175 წელი გავიდა.