,, წყალ-წყალა საჭმლით იკვებება ხალხი''- როგორ აფასებენ ბაზარში მოვაჭრეები ლარის გაუფასურებას?
📌 გამოგვყევით Youtube-ზე http://bit.ly/M3GAtv 👈
,,კატასტროფული ფასებია, როგორ უნდა იარსებოს ქართველმა ხალხმა მე არ ვიცი. რომ მიჰქონდათ ერთი კილო და იმასაც სიმწრით ყიდულობდნენ ახლა ნახევარი კილოც კი ვერ მიაქვთ. მარტო წყალში გაკეთებული საჭმლით იკვებებიან’’ - ასე აფასებენ ბაზარში დასაქმებულები ქვეყანაში არსებულ ვითარებას. მათი თქმით ლარი კიდევ უფრო თუ გაუფასურდება, ისედაც გაღარიბებული ხალხი კიდევ უფრო გაღარიბდება და ბაზარში საერთოდ აღარავინ ივლის, რადგან ამის საშუალება არ ექნებათ.
თუმცა ნაწილი მოვაჭრეებისა ბაზარში მომხარებლების შემცირებას, მაღაზიების რაოდენობის ზრდასა და გაფართოებას უკავშირებენ. მათი თქმით მაღაზიებში ყველა ის პროდუქტია ხელმისწავდომი, რომლებიც ბაზარში იყიდება. ხალხის ნაკადის სიმცირეს ასევე, მზა პროდუქტების მოხმარებასაც აბრალებენ.
,,ახალგაზრდები საერთოდ არ მიირთმევენ სახლში მომზადებულ კერძებს, რადგან კაფე-ბარებში ჭამენ’’- განაცხადა მეგატვ თან საუბრისას ერთ-ერთმა მოვაჭრემ .
ბაზრებში ძირითადად მომხარებლები ბოსტნეულის საყიდლად შემოდიან, მათი თქმით ხორცის ფასი იმდენად დიდია, ყიდვას ათაში ერთხელ თუ ახერხებენ. ისინი ფასების ასეთ ზრდას ლარის ინფლაციას უკავშირებენ.
ქვეყანაში ვალუტის კურსი ყოველდღიურად იცვლება, დღევანდელი მდგომარეობით 1 აშშ დოლარის ღირებულება 3.20 ს შეადგენს. სწორედ ამიტომ საზოგადოების დიდ ნაწილს სტაბილურობის განცდა არ აქვს.