ბაღდათში საკონსულტაციო საბჭოს სხდომა გაიმართა
ბაღდათის მუნიციპალიტეტში სახელმწიფო რწმუნებულთან–გუბერნატორთან არსებული სამხარეო საკონსულტაციო საბჭოს სხდომა გაიმართა. სხდომას იმერეთში სახელმწიფო რწმუნებული–გუბერნატორი გივი ჭიჭინაძე, მუნიციპალიტეტების გამგებლები და საკრებულოს თავმჯდომარეები ესწრებოდნენ. მხარეებმა 2015 - 2017 წლის სამოქმედო გეგმაში შესატანი ცვლილებები და 2017 წელს განსახორციელებელი პრიორიტეტული ინფრასტრუქტურული პროექტები განიხილეს. თათბირის მთავარი თემა ასევე, იმერეთის რეგიონში გაზიფიცირებასთან დაკავშირებული საკითხები და მიმდინარე წლის განმავლობაში საქართველოს განათლებისა და მეცნიერების სამინისტროს მიერ იმერეთში დაგეგმილი ინფრასტრუქტურული პროექტები იყო. საკონსულტაციო საბჭოზე მუნიციპალიტეტის გამგეობების მიერ საგანგებო სიტუაციებზე რეაგირების გეგმების შემუშავებისა და დამტკიცების შესახებაც მიიღეს ინფორმაცია.