„პლასტიკის ერის დასასრული“-რას გეგმავს მთავრობა
2018 წლიდან საქართველოში პოლიეთილენის პარკების 40%-ის იმპორტის აკრძალვა იგეგმება. გარემოს დაცვის სამინისტრომ პოლიეთილენის პარკებთან დაკავშირებით ევროდირექტივების საფუძველზე შეიმუშავა დოკუმენტი, რომელიც მთავრობას უახლოეს მომავალში წარედგინება. ცვლილება თავდაპირველად თხელ, "ერთჯერად" პოლიეთილენის პარკებს შეეხება. დოკუმენტის მიხედვით, საქართველოში პლასტიკის პარკების მოხმარების ეტაპობრივი შემცირება იგეგმება, რის გამოც ეტაპობრივად, აიკრძალება ქვეყანაში პოლიეთილენის პარკების წარმოება და იმპორტი.ცვლილება არ შეეხება ბიოდეგრადირებად პოლიეთილენის პარკებს.
გარემოსდაცვითი ინფორმაციისა და განათლების ცენტრის ინფორმაციით, საქართველოში, ერთი წლის განმავლობაში, ერთი ადამიანი 525 პლასტიკის პარკს მოიხმარს. ეს რიცხვი მკვეთრად აღემატება ევროპის მრავალი ქვეყნის მაჩვენებელს. მიუხედავად სტატისტიკის მაღალი მაჩვენებლებისა ქუთაისლების ახალ რეგულაციეს მიესალმებიან .