ქუთაისში რობოტექნიკის ბანაკი გაიხსნა
📌 გამოგვყევით Youtube-ზე http://bit.ly/M3GAtv 👈
კადეტთა სამხედრო ლიცეუმში „რობოტექნიკის“ საზაფხულო ბანაკი საზეიმოდ გაიხსნა. რობოტექნიკის ბანაკი 19 აგვისტოს ჩათვლით საქართველოს სხვადასხვა რეგიონის 1500-მდე მოსწავლეს უმასპინძლებს. მოსწავლეთა ნაკადი ყოველ კვირას განახლდება. მათთვის ერთი კვირის განმავლობაში დაგეგმილია მრავალფეროვანი, სახალისო და შემეცნებითი აქტივობები. ისინი კადეტთა სამხედრო ლიცეუმის პედაგოგებისა და სამხედრო მოსამსახურეების დახმარებით გაივლიან ელექტროობის, რობოტექნიკისა და სამხედრო სწავლებებს. ბავშვები თავად მიიღებენ მონაწილეობას სხვადასხვა ელექტროდეტალების შექმნაში. სწავლება ეფუძნება STEM-ის საგნებს და მისი მიზანია მოსწავლეებს არა მარტო ჭკვიანი მოწყობილობების გამოყენება და მართვა, არამედ მათი კონსტრუირება, დაპროგრამება და დასახულ მიზნებზე მორგება შეძლონ. დღის მეორე ნახევარი დატვირთულია ბავშვთა და ახალგაზრდობის ეროვნული ცენტრის მიერ შედგენილი ფიზიკური და ინტელექტუალურ აქტივობებით.