ვანის არქეოლოგიური მუზეუმი ვიზიტორთა მისაღებად მზადაა
📌 გამოგვყევით Youtube-ზე http://bit.ly/M3GAtv 👈
მუზეუმის საერთაშორისო დღესთან დაკავშირებით, ვანის არქეოლოგიურ მუზეუმს საქართველოში ევროკავშირის ელჩი კარლ ჰარცელი სტუმრობდა. ვიზიტორებმა ის სამუშაოები დაათვალიერეს, რაც ადგილზე ჩატარდა და გაეცნენ იმ ექსპონატებს, რაც განახლებული მუზეუმის დარბაზებშია წარმოდგენილი.
ვანის არქეოლოგიურ მუზეუმის რეაბილიტაცია 2021 წლის თებერვალში დასრულდა. სამუშაოები მსოფლიო ბანკის ფინანსური მხარდაჭერით ჩატარდა , რისთვისაც 20 მილიონი ლარი გამოიყო. თანამედროვე სტანდარტებით აღჭურვილი ახალი სამუზეუმო კომპლექსი არა მხოლოდ ვანში აღმოჩენილი არქეოლოგიური სიმდიდრის ექსპოზიცია, არამედ სამეცნიერო-კვლევითი ცენტრიცაა. ახალ, ოთხსართულიან შენობაში, მოეწყო მცირე ბიბლიოთეკა და თანამედროვე სტანდარტების ლაბორატორია.განახლებული მუზეუმის ლაბორატორია საშუალებას აძლევს მეცნიერებს ვანშივე ჩაატარონ არტეფაქტების ისეთი სახის კვლევა და რესტავრაცია, რისთვისაც სულ რამდენიმე წლის წინ სხვა ქვეყნებში უწევდათ გამგზავრება.
ვანის არქეოლოგიური მუზეუმი კავკასიის რეგიონში ერთ-ერთი პირველი მუზეუმია ნაქალაქარზე. მუზეუმის კოლექციებში დაცულია ვანის ნაქალაქარზე აღმოჩენილი და მისი შემოგარენის მდიდარი კულტურული მემკვიდრეობა, რომელიც ძვ.წ. VIII-I საუკუნეებით თარიღდება. მდიდრულ არქეოლოგიურ მასალასთან ერთად, მუზეუმში პირველად არის წარმოდგენილი კოლხური ოქრომჭედლობის დამზადების ტექნოლოგიის ამსახველი მასალა და ძველი კოლხების ცოდნა ოქროს მოპოვებისა და დამუშავების შესახებ.
music by The Epic 2 by Rafael Krux
Link: https://filmmusic.io/song/5384-the-epic-2-
License: http://creativecommons.org/licenses/by/4.0/
Music promoted on https://www.chosic.com