MLA#Kalimpong# Ruden Lepcha# कालेबुङका विधायक रुदेन सादा लेप्चाद्वारा अग्नि पिडितलाई आर्थिक सहयोग
6MLA#Kalimpong# Ruden Lepcha# कालेबुङका विधायक रुदेन सादा लेप्चाद्वारा अग्नि पिडितलाई आर्थिक सहयोग ...
गोरुबथान एक ग्राम पंचायत अन्तर्गत माल - 8 स्पेशल फोरेष्ट बस्तीका अग्नि पीडित विकाश तामाङको घर निर्माणार्थ कालेबुङ्गका विधायक रुदेन सादा लेप्चाले आर्थिक सहयोग प्रदान गरेको जानकारी प्राप्त भएको छ। भारतीय गोर्खा प्रजातान्त्रिक मोर्चा गोरुबथान समष्टी एकका प्रचार प्रसार सचिव ताबरस हैदर अलिद्वारा जारी प्रेस विज्ञप्ती अनुसार विधायक लेप्चाले ६ मईको दिन समष्टी कमिटिका पदाधिकारीहरुलाई उक्त सहयोग राशि प्रदान गरेका थिए। विधायक लेप्चाद्वारा प्रदान गरिएको उक्त राशि समष्टी कमिटीको एउटा टोलीले पिडित परिवारको घरमा गएर सो राशि हस्तान्तरण गरेका थिए। केही दिन अघि विधायक लेप्चा गोरुबथान भ्रमणमा आउदा अग्नि पिडित विकाश तामाङको घरमा पुगेर घटनाबारे सम्पूर्ण जायजा लिएका थिए भने सोही दिन उनले तामाङको घर निर्माणको निम्ति आर्थिक सहयोग दिने आश्वाशन दिएका थिए। यसरी आफ्नो बचनलाई पुरा गर्दै पिडित परिवारलाई सहयोग गरिदिएकोमा विकाश तामाङले विधायक लेप्चालगायत भागोप्रमो कालेबुङ जिल्ला समिति, गोरुबथान महकुमा समिती अनि समष्टी कमिटीका पदाधिकारीबर्गप्रति आभार प्रकट गरेका छन्।
विधायक रुदेन सादा लेप्चाद्वारा प्रदान गरिएको सहयोग राशिलाई पिडित परिवारसम्म पुर्याउन जाने टोलीमा गोरुबथान समष्टी एकका सभापति सूर्यमणि राई, उप सभापति ओम प्रकाश कार्की, सचिव काशीराम प्रधान, कोषाध्यक्ष बबरू बहन राणा, सांगठनिक सचिव असिम राई, समष्टी युवा शक्ति सचिव शिशिर प्रधान आदि थिए। स्मरणरहोस्, माल - 8 स्पेशल फोरेष्ट बस्ती निवासी विकाश तामाङको घर सर्ट सर्किटको कारण गत 20 अप्रेलको दिन जलेर खरानी भएको थियो। तामाङका परिवारले शरीरमा लगाएको लुगा बाहेक अरु केही पनि निकाल्न पाएनन् भने लाखौको क्षति भएको थियो।
8637816394/ 9733161396.