Shkarkimi i Bashës, numërohen votat e referendumit (Rezultatet deri më tani)
0Anëtarët e Partisë Demokratike i janë drejtuar kutive të vendimit pas referendumit për ratifikimin e vendimit të shkarkimit të Lulzim Bashës nga drejtimi i partisë. Pasi ka përfunduar procesi i votimit, ka nisur numërimi i votave. Siç raportojnë gazetarët e Klan Neës në disa zona ka përfunduar procesi i numërimit ndërsa në disa të tjera vazhdon numërimi i votave.
Korçë-Ka përfunduar procesi i numërimit të votave në Pogradec, Kolonjë dhe Korçë. Vazhdon numërimi në Maliq dhe Devoll. Në Korçë votuan 707 persona. 8 janë kundër shkarkimit të Bashës, 3 janë të pavlefshme dhe 696 vota janë pro shkarkimit të Bashës. Në Pogradec nga 512 vota, 3 janë të pavlefshme dhe pjesa tjetër pro shkarkimit. Në Kolonjë 404 vota janë të gjitha pro shkarkimit të Bashës.
Tiranë-Në njësinë nr. 2 në Tiranë është mbyllur procesi i numërimit. 635 persona kanë votuar pro shkarkimit të Bashës, 8 kundër dhe 3 janë shpallur të pavlefshme. Procesi i votimit ka qenë i qetë në këtë njësi. Kujtojmë që aty ka votuar edhe ish-Kryeministri Sali Berisha. Në degën 8 kanë votuar 760 persona pro shkarkimit të Bashës, 10 kundër dhe 4 vota të pavlefshme.
Shkodër-Deri në këto momente nuk ka përfunduar numërimi i votave të anëtarëve të PD. Gazetarja Emi Kalaja ka mësuar se është në pragun e 50% të anëtarëve që kanë votuar. Shifrat deri më këto momente sipas burimeve për gazetaren flasin për rreth 2700 vota të vetëm degës së qytetit kundër Lulzim Bashës. Ndërkohë ka mbaruar procesi i votimit në Malësinë e Madhe ku kanë votuar 518 anëtarë të PD. Të gjitha votat ishin pro shkarkimit të Lulzim Bashës. Vijon procesi i numërimit në Vaun e Dejës dhe në Pukë. Gazetarja raportoi se të vetmet parregullsi kanë qenë se shumë anëtarë të PD nuk kanë qenë të përfshira në lista siç ishte kryetarja e Bashkisë së Shkodrës, Voltana Ademi.
Lezhë-Gazetarja Vera Deda tha se procesi i votimit ka qenë i qetë dhe pa probleme në të gjithë qarkun. Në Lezhë kanë votuar 1304 anëtarë. 1266 prej tyre kanë votuar pro shkarkimit, 29 kundër dhe 9 prej tyre të pavlefshme. Në Kurbin ka përfudnuar numërimi. 904 anëtarë të PD kanë votuar në këtë qendër. 3 vota kanë rezultuar të pavlefshme, 8 kanë rezultuar pro Bashës ndërsa pjesa tjetër kanë vendosur për shkarkimin e kreut të PD. Numërimi vijon në Mirditë.
Durrës-Gazetarja Enkeleda Arapi tha se nuk ka pasur incidente gjatë procesit të votimit dhe numërimit. Personat e paraqitur e kanë gjetur emrin në listë. Procesi ka përfunduar në të gjithë bashkinë Durrës. Nga 1549 anëtarë, 15 janë pro qëndrimit të Bashës ndërsa 10 vota janë shpallur të pavlefshme. Pjesa tjetër janë për shkarkimin e kreut të PD. Në Shijak 504 janë pro shkarkimit, 7 kundër ndërsa 1 është shpallur e pavlefshme.
Lushnje-Anila Sefa raportoi se ka përfunduar procesi i votimit dhe numërimit të votave në Lushnje. Pro shkarkimit të Bashës janë 758 anëtarë në Lushnje. Në Divjakë, është mbyllur procesi i votimit. 364 anëtarë votuan në procesin e sotëm. Votimi u shty përtej orarit të përcaktuar pasi pati numër të lartë personash që votuan. Sefa tha se ka pasur persona që kanë ardhur posaçërisht nga emigrimi për të hedhur votën e tyre. Edhe në Fier shtyrë votimi me 1 orë. Në Mallakastër kanë votuar 356 anëtarë pro shkarkimit të Bashës. Në Patos kanë votuar pro shkarkimit 687 anëtarë. Në Roskovec kanë votuar 387 persona kundër shkarkimit të Bashës. Në Fier 1390 votues kanë votuar pro shkarkimit të Bashës. /tvklan.al
SUBSCRIBE to "RTV KLAN" on YouTube for more videos!
Për më shumë informacione vizitoni faqen tonë web https://tvklan.al/kategoria/klan-news/
Follow Klan News on Facebook: https://www.facebook.com/klannews
Follow @klannews on Instagram: https://www.instagram.com/tvklannews/
#KlanNews #KlanNewsLajme #TvKlan