Top Channel/ Papa, thirrje Rusisë: “Mos e ktheni grurin në armë, ushqimi e drejtë universale”!
Korit të zërave në Perëndim që ankohen se Rusia po e kthen grurin në armë lufte, i është bashkuar dhe Papa Francesku. Kreu i kishës Katolike u përpoq t`i bënte apel ndërgjegjes së Moskës me një thirrje të drejtpëdrejtë për heqjen e bllokadave paralizuese mbi eksportin e drithërave.
Në fjalimin e tij të përjavshëm për të besimtarët e mbledhur në sheshin e Shën Pjetrit, Ati i Shenjte tha se miliona njerëz të varfër në botë varën nga gruri që vjen prej Ukrainës, e cila prodhon afërsisht 12% të grurit në mbarë globin.
Bllokimi i eksporteve të drithit është jashtëzakonisht shqetësues, sepse miliona njerëz varen prej tij, sidomos në vendet më të varfra. Drejtoj një thirrje nga zemra që të bëhet cdo përpjekje e mundshme me qëllimin të zgjidhet kjo cështje, dhe të garantohet e drejta universale e njeriut për ushqim.
Mes një krize të thelluar ushqimore, Kombet e Bashkuara po përpiqen të ndërmjetësojnë arritjen e një marrëveshje, përmes të cilës të lejohet eksporti i grurit ukrainas të bllokuar aktualisht në portet e Detit të Zi nga ushtria ruse. Përpara konfliktit, 90% e eksporteve ukrainase niseshin nëpërmjet këtyre porteve, por tani të gjitha ato janë mbyllur. Rusia ka pushtuar pjesën më të madhe të vijës bregdetare të Ukrainës dhe ka bllokuar nje pjesë tjetër.
Ukraina vazhdon të përpiqet të eksportojë rezervat e saj të grurit përmes rrugëve tokësore, hekurudhave apo edhe lumenjve, por pa qasje në portet e Detit të Zi, shanset që ajo të përmbushë objektivat e saj janë të pakta, pohoi për Reuters një zyrtar në Ministrinë ukrainase të Bujqësisë. Perëndimi e ka akuzuar Moskën se poi bën shantazh botës; Presidenti Vladimir Putin ka thënë se largimin e anijeve me grurë nga porti i Odesa-s do t`i lejojë vetëm në këmbim të heqjes së sanksioneve.
Pamje: AFP
Departamenti i Informacionit, më i madhi, më kryesori në Top Channel, i cili shënoi fillimin e televizionit me edicionin e lajmeve në 20 dhjetor 2001. Përmes informacioneve të shpejta, të sakta dhe të thelluara, reportazheve dhe rubrikave të tjera informative, Top Channel është kthyer në burimin kryesor dhe me prestigjioz të informimit të të gjithëve në Shqipëri, në hapësirën mbarëshqiptare dhe kudo tjetër në botë ku shqiptarët jetojnë. Top Channel është i pranishëm me kamerat dhe gazetarët e tij në të gjitha ngjarjet më të rëndësishme të vendit dhe në botë, me edicionet e tij informative.
Për më shumë vizitoni: http://top-channel.tv/
Subscribe to "Top Channel" on YouTube Channel for NEWS and TV
Shows HERE: http://bit.ly/2Y15KwK
For more content from click HERE: www.top-channel.tv
Like Top Channel on Facebook HERE: http://bit.ly/2FglWTs
Follow Top Channel on Instagram HERE: http://bit.ly/2uaYG2U
Follow Top Channel on Twitter HERE: http://bit.ly/2TJndeH
#PapaFrancesku#Gruri#TopChannelNews