Të paktën 300 protestues janë arrestuar gjatë tubimeve kundër luftës në Rripin e Gazës të organizuara në Nju Jork nga komuniteti hebre.
Manifestuesit hebrenj u mblodhën në sheshin kryesor të lagjes së madhe Bruklin, për të protestuar para shtëpisë së kreut të senatorëve demokratë Çak Shumer, menjëherë pasi senati i dha aprovimin përfundimtar, ndihmës ushtarake 26 miliardë Dollarëshe për Izraelin. Ndihma financiare amerikane është jetike për operacionet ushtarake izraelite në Rripin e Gazës.
Protestat e komunitetit hebre i shtohen tubimeve të studentëve pro-palestinezë, që protestojnë prej fundjavës në Nju Jork dhe Konektikat, duke bllokuar leksionet.
Ndërkaq, agjencia e Kombeve të Bashkuara për të Drejtat e Njeriut kërkoi hetime të menjëhershme mbi akuzat e ngritura nga autoritetet palestineze të Rripit të Gazës për gjetjen e 283 trupave në disa varre masive pranë spitalit Nasser të Kan Junusit, që dyshohet se janë vrarë nga ushtria izraelite gjatë ofensivës kundër Hamasit në këtë qytet.
SUBSCRIBE to “RTV KLAN” on YouTube for more videos!
0