कालेबुङ जिल्ला अधिनस्थ गोरूबथान खण्ड ४४ नम्बर समष्टि लोवर कुमाई निवासी गंगाराम गिरी अनि मिना गिरीकी छोरी गङ्गा गिरी आगामी 7 देखि 15 दिसम्बरसम्म दिल्लीमा सम्पन्न हुने राष्ट्रीय कराटे वुसु च्याम्पियनसिपमा अङ्शग्रहण गर्न दिल्ली प्रस्थान गरेकी छिन् । गत महिना कोलकतामा सम्पन्न भएको राज्य स्तरीय कराटे वुसु प्रतियोगितामा गैरीबास उच्चत्तर माध्यमिक विद्यालयलाई प्रतिनिधित्व गर्दै गङ्गा गिरीले प्रतियोगिको रूपमा भाग लिएका थिए भने उनले स्वर्ण पदम हासिल गर्न सफल बनेकी थिइन् । कोपिस माध्यमिक शिक्षा केंद्र पाठशालाका भूतपूर्व छात्रा एवं वर्तमान गैरीबास उच्चतर माध्यमिक विद्यालयमा अध्ययनरत उनलाई स्कूल प्रधान अध्यापक पदम कुमार छेत्रीले हर्ष व्यक्त गर्नुहुँदै विद्यालय परिवार पक्षबाट गङ्गा गिरीलाई बधाई तथा शुभकामना व्यक्त गरेका छन् ।
1