गोरुबथानको मालबस्ती खेल मैदानमा सम्पन्न फूटबल खेलमा युद्धवीर अनि डुवर्स भेटरन बिजय...
59मालबस्ती खेल मैदानमा सम्पन्न रिषी प्रधान मेमोरियल गर्ल्स फुटबल टुर्नामेन्टअन्तर्गत शुक्रवार खेलिएको फाइनल खेलमा युद्धवीर उमावि च्याम्पियन बन्यो। गोरूबथान हाइ स्कुलसित खेलिएको खिताबी भिडन्तको निर्धारित समयसम्म दुवै दल गोल गर्न असमर्थ बनेपछि खेलको छिनाफाना ट्राइब्रेरद्वारा गरियो। जसमा युद्धवीर 3-0 ले विजयी बन्यो। अर्कोतिर डुवर्स भेटरेन एघार अनि गोरूबथान एघार भेटरेनमाझ खेलिएको प्रदर्शनी म्याचमा अतिथि टोली डुर्वसले गोरूबथानलाई 4-2 ले पराजित गर्न सफल बन्यो। म्याचलाई सुचारू संचालन गराउनको निम्ति रेफ्रीको भूमिकामा दिवस शर्मा, राजेश थापा, अशोक रोय रहेका थिए। रिषी प्रधान मेमोरियल गर्ल्स फुटबल टुर्नामेन्टको ट्रफी दाता सोमबारे बजार निवासी मञ्जय प्रधान (छोरो स्व. रिषी प्रधानको नाममा) रहेका थिए भने भेटरेन एघार प्रदर्शनी म्याचको ट्रफी दाता ताबरज हैदर अली (स्व. बाबा अब्दुल आलाम सिद्धिकी अनि स्व. आमा सुकमित लेप्चाको नाममा) रहेका थिए। फाइनल खेल समारोहमा ट्रफी दाताद्वय मञ्जय प्रधान, ताबरज हैदर अली, कमल राणा, काशिराम प्रधान, बबरू बहन राणा, डीबी सार्की, समिर राई शान्ति, शिशिर चन्द्र राई, प्रितम चामलिङ अतिथिको रूपमा उपस्थित थिए। गर्ल्स फुटबल खेलमा उपविजेता दलका खेलाडी चन्द्रकला राईलाई श्रेष्ठ खेलाडी छनौट गरियो भने भेटरेनबाट विजेता दलका विद्यान राईलाई श्रेष्ठ खेलाडी चयन गरियो। यस अवसरमा युद्धवीरका विद्यार्थीहरूद्वारा नृत्य प्रस्तुत गरिएको थियो।
Camera/ Edit
Lenin Rai Kulung
8637816394/ 9733161396